Жисмоний шахслар – норезидентларга икки томонлама солиққа солишнинг олдини олиш тўғрисидаги халқаро шартномалар қоидаларини қандай қўллаш керак

Чет эллик ходимларнинг даромадларига Солиқ кодексига мувофиқ Ўзбекистоннинг халқаро шартномаларини ҳисобга олган ҳолда солиқ солинади. Бундан солиқни ундириш ўзаролик принципи бўйича тугатилиши ёки чекланиши мумкин бўлган ҳолатлар мустасно .

Томонлардан бири Ўзбекистон Республикаси бўлган, икки томонлама солиқ солишнинг олдини олиш ва солиқларни тўлашдан бўйин товлашни бартараф этиш масалаларини тартибга соладиган, халқаро шартнома қоидалари бундай шартномани тузган бир ёки иккала давлатнинг солиқ резидентларига нисбатан қўлланилади .

Агар ушбу жисмоний шахс Ўзбекистон иккиёқлама солиқ солишнинг олдини олиш тўғрисидаги халқаро шартнома тузган давлатнинг резиденти ҳисобланса, мазкур шартноманинг жисмоний шахслар даромадларига солиқ солиш қисмини ўрганиб чиқинг.