Масъулияти чекланган жамият таъсисчилари таркибидан чиқиш ёки иштирокчини алмаштириш тартиби

Тавсияда:

– улушни ҳадя қилиш ёки уни бошқа шахс фойдасига воз кечишда улушнинг ўтиш тартиб-таомили;
– иштирокчини таркибдан чиқаришда улушнинг ўтиши тартиб-таомили;
– ундирувни иштирокчининг улушига қаратиш;
– иштирокчи вафотидан кейин улушнинг ўтиши;
– иштирокчининг жамиятдан чиқиши.

Жамият таъсисчисига хоҳишга кўра бўлиш мумкин, «таъсисчилик»дан эса мажбурий тарзда маҳрум бўлиш мумкин

Жисмоний шахс ҳам, юридик шахс ҳам ихтиёрийлик ва қонунчилик ҳужжатларининг муайян талабларини ҳисобга олган ҳолда жамиятнинг таъсисчиси бўлиши мумкин. Жамиятнинг барча иштирокчилари ўз жамиятига нисбатан ҳуқуқ ва мажбуриятларга эгадир. Хоҳишга кўра таъсисчи бўлиш мумкин, «таъсисчилик»дан эса шахснинг хоҳишига қарамай маҳрум бўлиш мумкин. 10% улушга эга бўлган таъсисчи ёки жами улушлари устав капиталининг 10%ини ташкил этадиган бир неча таъсисчилар ўз мажбуриятларини қўпол бузаётган ёхуд ўз ҳаракатлари (ҳаракатсизлиги) билан жамиятнинг фаолият кўрсатишига имкон бермаётган ёки уни жиддий тарзда  қийинлаштираётган иштирокчини жамиятдан  суд тартибида чиқарилишини талаб қилишга ҳақлидирлар .

МЧЖдаги улуш бир шахсдан бошқа шахсга ўтиши мумкин бўлган бир нечта ҳоллар мавжуд:

• иштирокчи улушини бошқа шахсга сотади, ҳадя қилади ёки унинг фойдасига воз кечади

Улушлар билан битимлар учун умумий тартиб мавжуд – томонлар шартнома тузишади ва жамиятни битим тўғрисида хабардор қилишади. Улуш ўзгартиришлар давлат рўйхатидан ўтказилган пайтдан эътиборан сотиб олувчига ўтади. Имтиёзли ҳуқуққа риоя...