МЧЖнинг иштирокчилигидан чиқиш қандай расмийлаштирилади

Тавсияда:

– иштирокчининг ихтиёрий ва мажбурий чиқишлари;
– иштирокчининг чиқиш усуллари ва тартиби;
– чиқишни давлат рўйхатидан ўтказиш.

Таъсис ҳужжатларида белгиланган тартибда иштирокчи исталган пайтда бошқа муассисларни розилигидан қатъи назар муассислар таркибидан чиқиши мумкин. Ёки уни мажбуран чиқариш мумкин.

Ихтиёрий чиқиш 

Агар уставда шундай механизм назарда тутилган бўлса, иштирокчи ўз улушини жамиятга ўтказиш йўли билан жамиятдан чиқиши мумкин. Бунинг учун у МЧЖ муассислигидан чиқиш тўғрисида ариза тайёрлаши ва тақдим этиши лозим. Ариза жамият раҳбари номига ёзилади. Уни почта орқали буюртма хати ёки имзо асосида қўлда тақдим этиш мумкин. Ариза тақдим этилгандан сўнг иштирокчилар таркибидан чиқишни бекор қила олмайди.

Агар жамият ягона иштирокчидан иборат бўлса, чиқиб кета олмайди, чунки битта ҳам иштирокчи қолмайди, шунингдек, бир вақтнинг ўзида барча иштрокчилар чиқиб кета олмайди.

Жамиятдан чиқиш тўғрисидаги аризани ёзишдан олдин қуйидагиларни текширинг:

• жамият банкротлик белгиларига жавоб берадими;
• агар иштирокчи чиқишини эълон қилса ва жамият улушнинг ҳақиқий қийматини тўлаши талаби натижасида ушбу белгилар юзага келмайдими;
• соф активларнинг қиймати устав капиталининг миқдоридан ортиқлигини.