Асосий воситалар ва бошқа мол-мулкнинг чиқиб кетишидан даромадларни қандай аниқлаш керак
Тавсияда:
– мол-мулк чиқиб кетишидан молиявий натижани аниқлаш:
мулк чиқиб кетганда;
АВ тугатилганда;
АВ сотилганда;
АВ айирбошланганда;
АВ бепул ўтказилганда;
АВ бошқа корхона устав фондига ўтказилганда;
АВ молиявий ижарага берилганда;
АВ камомадида ёки йўқолганда;
АВ чиқиб кетаётган таъсисчига берилганда.
Асосий воситалар (АВ) ва бошқа мол-мулкларнинг чиқиб кетишидан даромадни Фойда солиғи ҳисоб-китобига
1-илованинг 050-сатрида акс эттиринг.
Мол-мулк чиқиб кетишидан молиявий натижани турли ҳолатларда қандай аниқлаш керак
Қуйидагилар натижасида мол-мулкнинг чиқиб кетишидан даромад юзага келиши мумкин:
- тугатиш;
- реализация қилиш;
- айирбошлаш;
- бепул бериш;
- бошқа корхонанинг устав капиталига бериш;
- чиқиб кетаётган муассисга бериш;
- молиявий ижара (лизинг) шартномаси бўйича бериш;
- камомад ёки йўқотишлар.
Солиқ солиш мақсадида мол-мулкнинг чиқиб кетишидан молиявий натижани қуйидагилар бўйича аниқланг :
- Солиқ кодексига мувофиқ қуйидаги формула билан аниқланадиган амортизация қилинадиган активлар бўйича:
Молиявий натижа = Чиқиб кетишдан даромад – Қолдиқ қиймат + 2021 йил 1 январдаги ҳолатга кўра қайта баҳолаш сальдоси;
- бошқа мол-мулк бўйича – бухгалтерия ҳисоби тўғрисидаги қонун ҳужжатларига мувофиқ.
Амортизация қилинадиган активларнинг қолдиқ қиймати дастлабки (тиклаш) қиймати ва тўпланган амортизация суммаси ўртасидаги фарқ сифатида аниқланади.