АЖ ягона акциядорининг қарорини қандай қабул қилиш ва расмийлаштириш керак
Тавсияда:
– ягона акциядор томонидан ҳал қилинадиган масалалар;
– қарор қабул қилиш тартиб-таомили ва тартиб-таомил муддатлари;
– ягона акциядорнинг қарорини расмийлаштириш;
– ягона акциядорнинг қарори юзасидан низолашиш;
– ягона акциядорнинг қарори бўйича ваколатхона очиш.
Амалдаги қонунчиликда акциядорлик жамиятида фақатгина битта акциядор бўлган тақдирда қарор қабул қилиш тартиб-таомили назарда тутилган. Бундай ягона акциядорларга мисол: ЎзР Иқтисодиёт ва молия вазирлиги – «Иссиқлик электр станциялари» АЖнинг ягона акциядори бўлиб, унга жамият акцияларининг 100 %и тегишли ёки ЎзР Давлат активларини бошқариш агентлиги акцияларнинг шундай улуши билан – «Ўзбекистон темир йўллари» АЖнинг ягона акциядори.
Ягона акциядор акциядорларнинг умумий йиғилиши билан бир хил масалалар бўйича қарорлар қабул қилади. Акциядорлик жамиятлари учун бундай масалалар доираси «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонун билан белгиланади