Стандарт ЭҲФ қандай расмийлаштирилади

26.01.2023

Азиз ҲОШИМОВ

солиқлар бўйича эксперт

Ирина АХМЕТОВА

«Норма» эксперти

Тавсияда:

– ЭҲФ қандай расмийлаштирилади:
товарларни реализация қилишда;
хизматлар кўрсатишда;
ҚҚС бўйича имтиёздан фойдаланганда
товарлар (хизматлар) бепул берилган (кўрсатилган)да;
дори воситалари ва тиббиёт буюмларини реализация қилишда;
воситачилик шартномаси бўйича;
харажатларни қоплашга;
бюджет ташкилотига реализация қилишда.

Электрон ҳисобварақ-фактура айланмаси тизимида (ЭҲФ) ҳисобварақ-фактурани расмийлаштириш учун:

электрон рақамли имзо (ЭРИ) ёрдамида сиз танлаган оператор сайтининг ЭҲФ айланма тизимига киринг;
«Ҳисобварақ-фактурани яратиш» тугмасини босинг.

Кейинги ҳаракатлар вазиятга қараб амалга ошади.

Товарлар реализациясида ЭҲФни расмийлаштириш

Эслатиб ўтамиз

Табиат ёки инсон фаолиятининг (шу жумладан, интеллектуал фаолиятнинг) қиймат баҳосига эга бўлган ва реализация қилиш учун мўлжалланган ҳар қандай предмети товар деб эътироф этилади . Товарлар сифатида қуйидагилар тан олинади:

электр энергияси;
маълумотлар базаси;
ахборот;
интеллектуал фаолият натижалари, шу жумладан уларга бўлган мутлақ ҳуқуқлар.

Солиқ солиш мақсадида мулкий ҳуқуқлар ҳам товар деб эътироф этилади. Номоддий характердаги фуқаролик ҳуқуқ объекти солиқ солиш мақсадида қуйидагилар мулкий ҳуқуқ деб тан олинади:

мулкка қаратилган;
пулда ифодаланган баҳога эга бўлган;
ушбу мол-мулкдан мустақил равишда, унга боғлиқ бўлмаган ҳолда муомалада бўлишга қодир. Яъни, олди-сотди шартномасининг объекти ёхуд шартномада ёки бошқа тасдиқловчи ҳужжатда кўрсатилган ушбу мулкий ҳуқуққа эгалик қилиш, ундан фойдаланиш ҳамда уни тасарруф этиш ҳуқуқига эга бўлган, ўз мулкдоридан ўзга шахсга бошқача тарзда ўтказиш объекти бўлиши мумкин бўлган.

Мулкий ҳуқуқлар жумласига қуйидагилар киради:

кредиторнинг қарздорга талаб қўйиш ҳуқуқи;
хўжалик жамиятининг устав фондида (устав капиталида) иштирок этиш улуши;
қимматли қоғозлар;
муаллифнинг (ёки бошқа ҳуқуқ эгасининг) интеллектуал мулк объектига бўлган ҳуқуқи;
ҳуқуқларнинг замирида ётган мол-мулк билан боғлиқ, сотилиши ёки ўз мулкдоридан ўзга шахсга бошқача тарзда ўтказилиши мумкин бўлган бошқа ҳуқуқлар.

Ашёнинг ўзини ўтказмай туриб, мустақил муомалада бўлиши мумкин бўлмаган ашёвий ҳуқуқларга мулкий ҳуқуқлар сифатида қаралмайди.

Товарлар реализацияси учун ЭҲФни расмийлаштиришда:

«Далолатномасиз ҳисобварақ-фактура» ҳужжат турини танланг;
«Стандарт» ҳисобварақ-фактура турини танланг;
ҳисобварақ-фактура тартиб рақами ва санасини киритинг;
товар жўнатилаётган шартнома рақами ва санасини киритинг;
харидор СТИР (ЖШШИР)ини киритинг.
унинг қолган маълумотлари автоматик равишда юкланади;
Реализация қилинаётган товарлар бўйича жадвал маълумотларини тўлдиринг: номланиши, МХИК коди, ўлчов бирликлари, миқдор, нарх, акциз солиғи ставкаси (товарларга акциз тўланса) ва ҚҚС маълумотлари (ставка – 0%, 12% ёки «ҚҚСсиз» ёзуви, агар ушбу солиқ тўловчиси бўлмасангиз ёки имтиёзга эга бўлсангиз);
киритилган маълумотларни текширинг ва «Сақлаш» ёки дарҳол «Имзолаш» тугмасини босинг.

Юборилган ЭҲФ «Чиқувчи» бўлимидаги «Ҳамкорнинг имзосини кутиш» устунида пайдо бўлади. Иккала томон тасдиқлаган ЭҲФда унга қараб идентификациялаш мумкин бўлган ID ва QR-код пайдо бўлади.

Стандарт ЭҲФ қандай расмийлаштирилади

Азиз ҲОШИМОВ

Ирина АХМЕТОВА

Товарлар реализациясида ЭҲФни расмийлаштириш

Давомини ўқиш учун Buxgalter Pro га обуна бўлинг