Товарлар бўлиб-бўлиб тўлаш ва кечиктириб тўлаш шарти билан сотилишини қандай ҳисобга олиш керак

Тавсияда:

– кредитлаш шакли сифатида тўловни бўлиб-бўлиб ва кечиктириб тўлаш;
– тўловни бўлиб-бўлиб (кечиктириб) тўлаш шарти билан сотишларнинг бухгалтерия ҳисобини қандай юритиш керак;
– харидорларнинг тўланмаган қарзини қандай ҳисобдан чиқариш керак;
– тўловни бўлиб-бўлиб (кечиктириб) тўлаш шарти билан сотишларга солиқ солиш.

Кредитлаш шакли сифатида тўловни бўлиб-бўлиб ва кечиктириб тўлаш  

Товарлар бўлиб-бўлиб тўлаш шарти билан реализация қилинганда, харидор товарни сотиб олгандан кейин дарҳол эмас, балки шартномада белгиланган муддат бўйича бўлиб-бўлиб (қоида тариқасида, тенг улушларда) тўлайди. Масалан, тўлов 3 ёки 12 ой давомида ҳар ойда амалга оширилади.

Тўловни кечиктириб тўлашда, товар учун тўлиқ тўлов шартномада кўрсатилган муддатга кўчирилади ёки харидор маълум миқдорда бошланғич бадал суммасини амалга оширади ва маълум муддатга кейинга сурилган тўловлар учун кечиктириб тўлаш имконини олади.  

Тўловни кечиктириб ва бўлиб-бўлиб тўлаш бу тижорат кредитининг шаклларидан бири ҳисобланади . Шу муносабат билан, тўловни бўлиб-бўлиб ёки кечиктириб тўлаш шарти билан тузилган...