Электрон ҳужжатларни тайёрлашда ўлчов бирликлари ва қадоқлаш қоидаларини қандай қўллаш керак

Тавсияда:

– ЭҲФда, онлайн НКТда ва бошқа бухгалтерия ҳужжатларида қандай ўлчов бирлигидан фойдаланиш керак;
– агар МХИКга бириктирилган ўлчов бирликлари орасида мослари мавжуд бўлмаса нима қилиш керак;
– товарлар тўпламларини қандай расмийлаштириш керак;
– товарни қадоқлаш тушунчаси нимани ўз ичига олади, уни қандай яратиш керак;
– маҳсулот тўпламини ёки қадоқларини қисмларга қандай ажратиш керак.

Ҳар бир МХИК учун ўлчов бирликлари бириктирилган ва уларни фақат талаб қилинадиган ҳужжатларда аниқ бир МХИКдан фойдаланилганда қўллаш мумкин. Бухгалтерларга ёрдам бериш учун – қадоқларни яратиш бўйича функционаллик.  

Ўлчов бирликларининг қўлланилиши 

Ҳар бир МХИКга бириктирилган ўлчов бирликлари  tasnif.soliq.uz. бўйича мавжуд бўлган Таснифлагичи ва ўлчов бирликлари тузилмаларига мувофиқ танланади. Таснифлагич ЕОИИ счёти ва ўлчов бирликлари Таснифлагичи асосида ишлаб чиқилган.

Бир ҳолатда, яъни ягона ҳолатда МХИК қатъий ўлчов бирлигига эга бўлиши мумкин. Масалан, мажбурий рақамли маркировкаланадиган товарлар бўйича МХИК учун фақат «дона» ўлчов бирлиги бириктирилган.

Бошқа ҳолларда, МХИК учун бир нечта ўлчов бирликлари бириктирилиши мумкин.

Масалан:

• вақт бирлиги – йил, ой, сутка, кун, соат, дақиқа, сония;
• масса бирлиги – минг тонна, тонна, центнер, килограмм, грамм, миллиграмм;
• майдон бирлиги – гектар, юз квадрат метр (сотик), квадрат метр, квадрат дециметр, квадрат сантиметр ва бошқалар.

Бириктирилган ўлчов бирликларидан сиз фойдаланадиганларингизни танлашингиз керак, яъни ҳисобварақ-фактура ва бошқа бухгалтерия ҳужжатларининг «Ўлчов бирликлари» устунини тўлдиришда сизга кўрсатма берадиган очиладиган ойнада пайдо бўладиганларидан бирини танлашингиз керак. Бу бириктирилганлардан битта ёки бир нечта ўлчов бирлиги бўлиши мумкин.

Кўрсатмаларда пайдо бўладиган ўлчов бирликлари рўйхатини оптималлаштириш учун:

1) tasnif.soliq.uz даги шахсий кабинетга киринг;

2) «танланган МХИК» ёрлиғини танланг;

3) рўйхатдан оптималлаштиришни хоҳлаган ўлчов бирликларининг МХИКини танланг;

4) «Ўлчов бирликлари/қадоқлар» тугмасини босинг;

5) тақдим этилган рўйхатдан ўзингизга керакли бўлган ўлчов бирлигини танлаб ёнидаги «Танланганларга қўшиш» тугмасини босинг.

Энди сиз танлаган ўлчов бирликлари ва қадоқлар «Танланган ўлчов бирликлари ва қадоқлар» рўйхатида мавжуд бўлади, улар ҳисобварақ-фактуранинг ва бошқа бухгалтерия ҳужжатларининг тегишли устунини тўлдиришда сизга кўрсатма берадиган очиладиган ойнада пайдо...