Таълимга оид хизматларга (таълим олиш хизматларига) оид ЖШДС бўйича имтиёз қандай қўлланилади

Тавсияда:

– имтиёз татбиқ этиладиган таълимга оид хизматлар;
– имтиёз татбиқ этиладиган жисмоний шахснинг даромадлари;
– таълим олиш ҳақини тўлаганда солиқ чегирмасини қўллаш:
       ходимнинг иш ҳақидан;
       таълим кредити ҳисобига;
       иш берувчининг заёми ҳисобига;
– жами йиллик даромад тўғрисидаги декларация асосида солиқ чегирмасини қўллаш.

Қандай таълимга оид хизматларга нисбатан имтиёз татбиқ этилади

Жисмоний шахс қуйидагилар учун ҳақ тўлаганда ЖШДС бўйича имтиёзни қўлланг:

• Ўзбекистоннинг прoфессионал ва олий таълим ташкилотларида таълим олиш :

ўзининг ва фарзандларининг – ёшга доир чекловларсиз;
эрининг (хотинининг) – 26 ёшга тўлмаган.

Ўзбекистоннинг прoфессионал ва олий таълим ташкилотларида таълим олиш ҳақини тўлаш чоғида ЖШДС бўйича имтиёзни қўллаш тартиби махсус Низом билан белгиланган;

• фарзандлар, шу жумладан фарзандликка олинганлар учун нодавлат мактабгача таълим ташкилотлари ва (ёки) мактаблар томонидан кўрсатиладиган таълимга оид хизматлар ;
• нодавлат таълим ташкилотларида қайта тайёрлаш ва малака ошириш курслари – курсларни тугатганлик тўғрисида шундай ташкилотлар томонидан берилган ҳужжат мавжуд бўлганда .

Эътибор беринг

СК 378-моддасида назарда тутилган таълим олиш ҳақини тўлаганда ЖШДС бўйича имтиёзларни кадрларни тайёрлаш ва қайта тайёрлаш бўйича корхона харажатлари  билан чалкаштирманг. Корхонанинг ушбу харажатларига жисмоний шахсларнинг даромадлари сифатида қаралмайди.