Январь ойидаги бухгалтер учун фойдали ахборот:
Сайёр солиқ текширувини ўтказишда солиқ органлари мансабдор шахсларининг ҳуқуқлари кенгайтирилди (04.01.2025 й. ВМҚ-891-сон.)
Buxgalter.uz тафсилотларни аниқлади:
Муҳим янгиликларни ўтказиб юбормаслик учун Телеграм-каналимизга обуна бўлинг.
Тадбиркорлик субъектларини хабардор қилмасдан, лекин текширув ўтказиладиган куни Бизнес-омбудсманни хабардор қилган ҳолда солиқ органлари мансабдор шахслари қуйидагиларни текширадилар:
- сохталаштириш ва контрафакт ҳолатлари;
- мажбурий рақамли маркировка қилиниши лозим бўлган маҳсулотларни маркировка қилиш қоидаларининг бузилиши.
Шунингдек, сайёр солиқ текширувини ўтказиш учун янги асослар пайдо бўлди. Булар – солиқ инспектори томонидан аниқланган:
1) рақамли маркировка қилиниши лозим бўлган сохта ва контрафакт маҳсулотлар;
2) маркировка қилиш қоидаларининг бузилиши.
Бухгалтер ўзига қўшимча муаммолар яратмаслиги учун солиқ текширувлари ҳақида билиши керак бўлган барча нарсаларни қуйидаги тавсияларда ўқинг:
- Сайёр текширувда томонлар қандай ҳуқуқ ва мажбуриятларга эга;
- Солиқ органи солиқ текшируви далолатномасини кўриб чиқиш чоғида ўтказадиган қўшимча тадбирлар ҳақида нималарни билиш керак;
- Сўроқ қилиш учун солиқ инспекциясига чақирганларида, қандай тайёргарлик кўриш лозим;
- Назорат хариди қандай амалга оширилади.
Саида ЖАНИЗАКОВА тайёрлади
