Бухгалтер билиши керак бўлган барча ахборот – Buxgalter Pro да:
1-КB shakli йиллик статистика ҳисоботи е-Stat 4.0 дастурида электрон шаклда топширилади.
Buxgalter.uz йўриқномасидан фойдаланиб, 1-КB shakli бўйича йиллик статистик ҳисоботни ўз вақтида тақдим этинг:
Экспертнинг керакли тушунтиришларини ўтказиб юбормаслик учун Телеграм-каналимизга обуна бўлинг.
Ҳисоботни топшириш муддатлари
Кичик бизнес субъектлари учун 1-КB shakli топшириш муддати – 2025 йил 10 мартгача.
Чет эл инвестициялари иштирокидаги кичик бизнес субъектлари учун – 2025 йил 1 апрелгача.
Қандай тўлдириш ва юбориш керак
Hisobot.stat.uz сайтига киринг, очилган ойнанинг юқори ўнг бурчагида ўзбек ёки рус тилини танланг, кейин – ЭРИ калитини, сўнгра «Кириш» тугмасини босинг.
ЭРИ калити паролини очилган ойнага киритинг.
Ягона идентификация тизими орқали ҳам кириш мумкин.
«ЭРИ» ёрлиғини танлаб, стрелкани босинг:
Киргандан сўнг, «Ташкилот номи» катагидаги очиладиган ташкилот номига босинг:
Очилган ойнада «Кичик бизнес ва тадбиркорлик» бўлимини танланг:
Очилган «Ҳисобот турлари» ёрлиғида «1 Kb shakli» қаршисидаги «Ҳаракатлар» катагида «Юбориш» пайдо бўлади – бу ҳисоботни тўлдириш ва топшириш учун очиқлигини билдиради.
«Юбориш»ни бемалол босинг – бу ҳолда ҳисобот бўш ҳолда юборилмайди, фақат тўлдириш учун очилади.
Эътибор беринг
Ҳисоботнинг ҳар бир варағини тўлдираётганда, шакл бўлимларидаги «Сақлаш» тугмасини вақти-вақти билан босишни унутманг. Акс ҳолда бўлимлар бўйича тўлдирилган кўрсаткичларингиз сақланмайди.
Юборилгандан сўнг ҳисобот «Юборилган ҳисоботлар» ёрлиғида пайдо бўлади, сизга унинг ҳолатини кузатиб бориш қолади. Текширувдан сўнг у «Қабул қилинди» сифатида акс эттирилади. Сиз уни Excel га юклаб олиб, электрон шаклда сақлаш ёки чоп этишингиз мумкин.
Агар сизда ҳисоботни тўлдириш бўйича ёки у билан боғлиқ бошқа саволлар туғилса, Тошкент шаҳар статистика бошқармасига қуйидаги телефонлар орқали мурожаат қилишингиз мумкин:
- (71) 203-88-29, (71) 203-88-09;
- Call-марказ: (71) 203-80-03.
Buxgalter.uz тавсия этади
Юлия ТАРШИЛОВА тайёрлади
