Иш вақтидан ташқари иш учун ҳақ тўлаш масалаларида нималар ўзгармоқда

Қонун чиқарувчилар иш вақтидан ташқари ишнинг энг кўп давомийлигини оширдилар: энди у йилига 120 соатдан ортиқ бўлиши мумкин. Шунингдек, ишнинг 1 кундаги биринчи икки соати учун иш вақтидан ташқари иш учун ҳақ тўлаш даражаси пасайтирилади.

Тафсилотлар - buxgalter.uz шарҳида:

Меҳнат кодексига 11.11.2025 йилдаги «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ЎРҚ-1095-сон Қонун билан тузатишлар киритилди.

Уларга асосан:

• МК 190-моддаси 1-қисмидаги «ва йилига бир юз йигирма соатдан» деган сўзлар чиқариб ташланди. Тегишинча, тузатишлар кучга кирган пайтдан эътиборан иш вақтидан ташқари ишнинг энг кўп давомийлиги сурункасига икки кун давомида 4 соат билан, меҳнат шароитлари ноқулай  бўлган  ишларда эса - кунига 2 соат билан чекланади;
• 262-модданинг 1-қисми янги таҳрирда қабул қилинди. Энди иш вақтидан ташқари ишнинг биринчи 2 соати учун ҳар бир соат учун камида бир ярим ҳисса, кейинги ҳар бир соат учун эса камида икки ҳисса миқдорида ҳақ тўланади.

Илгари иш вақтидан ташқари ишнинг ҳар бир иш соати учун камида икки ҳисса миқдорида ҳақ тўланиши керак эди.

Buxgalter.uz тавсия қилади

 

• Ходимнинг иш вақтидан ташқари ишга розилиги қачон керак ва қачон керак эмас;
• Нима иш вақтидан ташқари иш деб ҳисобланиши мумкин.