Ижтимоий карта орқали товарлар учун тўлов қилинса, сотиш чеки нималарни акс эттириши керак

2025 йил 1 октябрдан бошлаб Тошкент шаҳри ва Тошкент вилоятининг Янгийўл туманида жисмоний шахслар томонидан айрим турдаги товарлар ва хизматларни ижтимоий карта орқали харид қилишда тўланган ҚҚСни қайтариш тартиби амал қилади. Шу муносабат билан онлайн-НКТ чекларига муайян талаблар қўйилади.

Назорат-касса техникасида қандай созлашларни амалга ошириш кераклигини buxgalter.uz илтимосига биноан онлайн-НКМга хизмат кўрсатиш соҳасидаги эксперт, «RIG» МЧЖ директори Рустам ЁҚУБОВ тушунтириб берди:

– Вазирлар Маҳкамасининг 610-сон қарорига мувофиқ Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомнинг 7-бандига қўшимчалар киритилди.

Хусусан, сотув чекларида банк картасининг тури (корпоратив, шахсий ёки ижтимоий), ижтимоий карта рақами (биринчи ва охирги тўртта рақам), шунингдек, транзакциянинг ноёб рақами кўрсатилиши кераклиги белгиланди. Ушбу маълумотларни фискал маълумотлар оператори (ФМО) олиши керак.

Чек намунаси:

ТХКМ ва назорат-касса техникаси ишлаб чиқарувчилари ушбу талаблардан хабардор. Лекин, албатта, хўжалик юритувчи субъектлар уларнинг ижросини ўзлари текшириб, назорат қилиб боришлари лозим.

Чекларингиз ушбу талабларга жавоб беришини текширишни тавсия қиламан. Агар йўқ бўлса, зудлик билан хизмат кўрсатувчи ТХКМга мурожаат қилинг.

Buxgalter.uz тавсия қилади

 

• Қачон ва қайси турдаги онлайн-НКТ тизими чекини харидорга бериш керак;
• Тўлов тизимлари ва маркетплейслар чекларининг солиқ қонунчилигига мувофиқлигини қандай таъминлаш мумкин;
• Солиқ қонунчилиги бузилмаслиги учун сотув ва қайтариш чекларида нималар бўлиши лозим.