Февраль ойида экспертларнинг материаллари сиз учун фойдали бўлади:
Янги қоидаларга кўра, агар ЭҲФда «Қурилиш-монтаж ишлари» МХИК (11307011001000000) қўлланилган бўлса, ҳисобварақ-фактура my3.soliq.uz сайтида рўйхатдан ўтказилган шартнома асосида тузилиши керак.
Агар сизда 2026 йил 1 февралгача ҚМИ шартномалари (масалан, Didox тизимида – «ДСИ шартномаси») юборилган бўлса, my3.soliq.uz сайтида улар аллақачон юборилган шартномалар рўйхатида бўлиши керак. Агар йўқ бўлса, рўйхатдан ўтишга тўғри келади.
Буни қандай амалга ошириш мумкинлигини buxgalter.uz илтимосига биноан Didox мижозлар билан ишлаш бўйича менежери Екатерина КУЛДАШЕВА тушунтириб берди:
Барча янги постлар билан бизнинг Телеграм- каналимизда танишишингиз мумкин.
Эслатиб ўтамиз
2026 йил 1 февралдан бошлаб қурилиш пудрати ва субпудрат шартномаларини my3.soliq.uz тизимидаги шахсий кабинет орқали солиқ органларида ҳисобга қўйиш тартиби жорий этилди 
.
Асосий талаблар:
– бюджет маблағлари ҳисобидан амалга ошириладиган қурилиш объектлари бўйича субпудратчи томонидан бажарилган ишлар бош пудратчига берилганда ЭҲФда лойиҳанинг kapital.imv.uz ахборот тизимидаги ID-рақами кўрсатилиши шарт;
– бюджетдан молиялаштирилмайдиган қурилиш ишлари бўйича бош пудратчи ва субпудратчилар томонидан расмийлаштириладиган ЭҲФда объектнинг кадастр рақами ёки my3.soliq.uz тизимида рўйхатдан ўтказилган шартноманинг ID-рақами акс эттирилиши шарт.
– Шартномани рўйхатдан ўтказиш учун my3.soliq.uz шахсий кабинетига киринг. «Юридик шахслар хизматлари» бўлимида «Шартномаларни рўйхатдан ўтказиш» ва кейин «Шартномаларни электрон рўйхатдан ўтказиш» бандини танланг:
Шартнома маълумотларини тўлдиринг ва «Юбориш» тугмасини босинг. Шундан сўнг шартнома my3.soliq.uz сайтида рўйхатдан ўтказилади (контрагентга кетмайди).
Шунда шартнома «Юборилган шартномалар» бўлимига тушади.
«Келишув ID/жўнатиш санаси» устунидан шартнома ID нусхасини олинг ёки «Кўриш» тугмасини босинг ва у ерда ID нусхасини олинг:
Кейин Didox.uz сайтига киринг. Ҳисобварақ-фактурани яратишда «Шартнома IDси» майдонига нусхаланган IDни киритинг, мажбурий майдонларни тўлдиринг ва ҳисобварақ-фактурани юборинг.
Агар «лупа» босилса, маълумотлар шартномага мувофиқ тўлдирилади:
Муҳим: қурилиш-монтаж ишлари учун ЭҲФ ҳужжатининг турида объектнинг ID рақамини кўрсатиш керак.
Buxgalter.uz тавсия қилади
Юлия ТАРШИЛОВА тайёрлади
