Солиқларни тўлаш муддати яқинлашмоқда – ҳисоб-китобларни қайта текшириб, уларни вақтида тўланг:
Ижодий фаолият турлари вакиллари – компаниялар ва жисмоний шахслар – Креатив индустрия паркининг резидентлари бўлишлари мумкин. Улар Вазирлар Маҳкамасининг 03.03.2026 йилдаги 90-сон қарорига мувофиқ муайян талабларни бажаришга мажбур бўладилар ва бунинг учун солиқ имтиёзларини олишлари мумкин.
Тафсилотлар – buxgalter.uz шарҳида:
Янги мақолаларни бизнинг Телеграм-каналимизда кузатиб бориш қулай.
Дастлаб «ижодий фаолият турлари»ни кўриб чиқамиз – уларнинг рўйхати 90-сон ВМҚнинг 3-иловасида келтирилган.
Жами – 15 та йўналиш бўйича 142 та фаолият тури:
- адабий ижод;
- амалий санъат ва ҳунармандчилик;
- архитектура, дизайн ва шаҳарсозлик;
- аудиовизуал санъат;
- ижрочилик санъати;
- концерт-томоша фаолияти ва оммавий маданий тадбирларни ташкил этиш;
- мода ва дизайн;
- музейлар, бадиий галереялар (кўргазмалар), ахборот ва кутубхона фаолияти;
- ноширлик ва матбаа соҳасидаги ижодий фаолият;
- интернет орқали узатиш бўйича амалга ошириладиган ОАВ соҳасидаги ижодий фаолият;
- продюсерлик фаолияти;
- рақамли технологиялар соҳасидаги ижодий фаолият;
- реклама соҳасидаги ижодий фаолият;
- санъат асарлари ва маданий мерос объектларини сақлаш билан боғлиқ фаолият;
- тасвирий санъат.
Қуйидагилар 90-сон ВМҚга 2-иловага мувофиқ Парк резидентларига қўйиладиган асосий талаблардир:
1. Резидентликка аризани бундай фаолиятдан йиллик жами даромади камида 80 фоиз бўлган креатив индустрия субъектлари бериши мумкин.
Бу параметр янги ташкил этилган субъектларда ҳисобга олинмайди. Бироқ, агар молия йили охирига қадар даромаднинг энг кам миқдори бўйича талаблар бажарилмаса, фойдаланилган имтиёзлар суммаси солиқ қонунчилигига мувофиқ қайта ҳисоблаб чиқилади ва бюджетга қайтарилади.
2. Парк резиденти мақомини олиш учун юридик ва жисмоний шахслар қуйидаги талабларга жавоб беришлари керак:
- Ўзбекистонда юридик шахс, якка тартибдаги тадбиркор ёки ўзини ўзи банд қилган шахс сифатида рўйхатдан ўтган бўлиши;
- қонун ҳужжатларига мувофиқ креатив индустрияда иқтисодий фаолият турларидан бирини амалга ошириши (90-сон ВМҚга 3-илова);
- аниқ ўлчанадиган ўсиш кўрсаткичларини (иш ўринларини яратиш, экспорт ҳажми, даромаднинг ўсиши ва тижоратлаштирилиши керак бўлган интеллектуал мулк элементлари билан ўз маҳсулотларини ишлаб чиқариш ва бошқалар) ўз ичига олган иқтисодий асосланган бизнес-режага эга бўлиши.
Иқтисодий асосланган бизнес-режа, ўсиш кўрсаткичлари ва самарадорликнинг асосий кўрсаткичлари Парк дирекцияси томонидан индивидуал тартибда баҳоланади.
3. Креатив парк резидентлари қуйидаги шартларни амалга оширишлари шарт:
- креатив индустриядаги иқтисодий фаолият турлари рўйхати ва бизнес-режага мувофиқ ҳаракат қилиш;
- Дирекция билан тузилган Битимга риоя қилиш;
- аъзолик бадалларини белгиланган муддатларда тўлаш (ЯТТ ва ўзини ўзи банд қилган шахслар – айланмадан 0,1%; юридик шахслар – айланмадан 0,3%);
- молиявий-иқтисодий фаолиятни ҳар йили, ҳисобот йилидан кейинги йилнинг 15 июнидан кечиктирмай текшириш ўтказиш ва текшириш тўғрисидаги ҳисоботни Дирекцияга тақдим этиш (якка тартибдаги тадбиркорлар ва ўзини ўзи банд қилган шахслар бундан мустасно);
- Креатив парк резидентининг илгари тақдим этилган бизнес-режасида кўрсатилмаган янги фаолият турларини фақат янги (қўшимча) бизнес-режа Дирекция томонидан тасдиқлангандан сўнг амалга ошириш;
- ижодий соҳаларда ўқув дастурларида иштирок этиш ва Дирекция сўровига кўра мураббийларни тайинлаш, шунингдек, Дирекция томонидан жалб қилинадиган мутахассислар ва амалиётчилар учун зарур шарт-шароитлар яратиш.
Энди солиқ имтиёзларига келсак...
03.03.2026 йилдаги 90-сон ВМҚда уларга аниқлик киритилмаган, ушбу қисмда Солиқ кодексига ҳавола қилинган:
«Ўзбекистон Республикаси Солиқ кодекси ва бошқа солиқ қонунчилигига мувофиқ, Креатив парк резидентларига солиқ имтиёзлари берилади. Бунда резидентлар имтиёзлардан қисман воз кечган ҳолда солиқ солишнинг қонунда белгиланган тартибини ўз хоҳишларига кўра танлаш ҳуқуқига эга».
Солиқ кодексида назарда тутилган солиқ имтиёзлари юридик ёки жисмоний шахс креатив парк резиденти сифатида рўйхатдан ўтказилганидан кейинги ойнинг 1-санасидан бошлаб қўлланилади.
Биз юқорида ёзган мажбуриятларни бажармаслик (бадалларни тўлаш, Битимга риоя қилиш, ҳар йилги текширувдан ўтиш ва ҳ.к.) имтиёзларнинг бекор қилинишига ва давлат бюджети олдидаги тўлов мажбуриятларининг белгиланган тартибда тикланишига олиб келади.
Яъни – резидент имтиёзларни тақдим этиш шартларига жавоб беришни тўхтатиши биланоқ, уларни йўқотади.
Имтиёзларни қўллаш бўйича экспертларнинг қуйидаги тушунтиришлари сизга фойдали бўлиши мумкин:
