НКТ орқали реализация қилинадиган товарлар ва хизматларга солиқ имтиёзи қандай қўлланилади

Тавсияда:

– солиқ ҳисоботлари автоматик равишда шакллантирилганда солиқ имтиёзларини акс эттириш;
– қуйидагилар бўйича бериладиган ҚҚСга оид имтиёзларни қўллаш:
      МХИК бўйича;
      СТИРга;
– айланмадан олинадиган солиқ бўйича имтиёзларни қўллаш.

Харидор билан ҳисоб-китобни онлайн-НКТ чеки билан расмийлаштирсангиз ва ушбу реализация қилиш бўйича айланмага ёхуд унинг бир қисмига имтиёзли равишда айланмадан олинадиган солиқ ёки ҚҚС солинса, солиқ ҳисоботларини тўғри шакллантириш учун ушбу тавсияга амал қилинг. 

Солиқ ҳисоботларини шакллантириш чоғида солиқ имтиёзлари қандай акс эттирилади  

Товарларни онлайн-НКТ орқали реализация қилишдан тушум онлайн-НКТ эгасининг ҚҚС ва айланмадан олинадиган солиқ бўйича солиқ ҳисоботларида, улар воситачилик шартномалари бўйича реализация қилинганда эса комитентнинг ҳисоботларида автоматик равишда акс эттирилади. Реализация қилинган товар ёки хизматга айланмадан олинадиган солиқ ёки ҚҚС бўйича солиқ имтиёзи татбиқ этилса, тизим уни солиқ ҳисоботи шаклларида акс эттириши учун онлайн-НКТнинг муайян қоидалари ва созламаларига амал қилиш зарур.

Айланмадан олинадиган солиқ ва ҚҚС бўйича ҳисоботларни тайёрлаш ҳақида батафсил қуйидаги тавсияларда ўқинг:

• «Воситачи ҚҚСни қандай ҳисоблайди»;
• «Товарлар (хизматлар) воситачи орқали реализация қилинганда комитент ҚҚСни қандай ҳисоблайди»;
• «ҚҚС ҳисоботи қандай тўлдирилади ва тўланади»;
• «Айланмадан олинадиган солиқ суммаси қандай ҳисобланади»;
• «Айланмадан олинадиган солиқ ҳисоботи қандай тақдим этилади».

Товарни сота ёки хизматни кўрсата бошлагунга қадар онлайн-НКТ созламаларини мослаштиринг. Бу чекларга тузатиш киритиш заруратидан сизни халос қилади.

Онлайн-НКТ билан ишлаш чоғида, одатда, бухгалтерлар, товаршунослар, кассирлар иштирок этади. ДСИга юбориладиган ҳисоботларда имтиёзларнинг тўғри акс эттирилиш-акс эттирилмаслиги уларнинг ишига боғлиқ. Шу сабабли ходимларнинг мажбуриятларини олдиндан белгиланг ва уларнинг ҳар бирига йўл-йўриқ беринг.

рилиши уларнинг ишига боғлиқ бўлади. Шу боисдан олдиндан ходимларнинг мажбуриятларини белгилаб қўйинг ва уларнинг ҳар бирини бундан хабардор қилинг.