Бухгалтерлар учун батафсил тушунтиришлар:
Солиқлар ва имтиёзлар бўйича ўзгаришларни кузатиб, корхоналар яна бир муҳим жиҳатни – техник тартибга солиш ислоҳотини ўтказиб юборишлари мумкин эди.
2026 йил 1 июлдан бошлаб тўқимачилик, чарм, мебелсозлик, электротехника, автомобилсозлик ва ахборот технологиялари (маълум вақт кейинроқ – бошқа соҳалар) тўлиқ халқаро стандартларга ўтказилади. 2027 йил бошидан техник регламентларни қайта кўриб чиқиш бошланади.
Тафсилотлар – buxgalter.uz шарҳида:
Янгиликларидан бехабар қолмаслик учун Телеграм-каналимизга обуна бўлинг.
16.02.2026 йилдаги ПФ-25-сон Фармонга мувофиқ:
- 2026 йил 1 майдан бошлаб ҳар қандай даражадаги амалдаги стандартларни қўллаш ихтиёрий хусусиятга эга бўлади (бунда маҳсулот хавфсизлиги талабларини белгиловчи техник регламентлар мажбурий бўлиб қолади – таҳр. изоҳи). Ўзбекистонда халқаро (минтақавий, хорижий) стандартларни қабул қилишнинг халқаро амалиёти жорий этилмоқда, уларнинг расмий рўйхати миллий стандартлар даражасида шакллантирилмоқда;
- 2027 йил 1 январдан саноат, тадбиркорлик ва маҳсулот хавфсизлигини таъминлашга таъсир кўрсатиш натижалари бўйича техник регламентларни қабул қилиш амалиёти жорий этилади.
Фармоннинг 12-бандида иқтисодиётнинг қуйидаги тармоқларида ишлаб чиқариш ва хизмат кўрсатишни тўлиқ халқаро стандартлар асосида ташкил этиш талаби киритилган:
- 2026 йил 1 июлдан – тўқимачилик, чарм саноати, мебелсозлик, электротехника, автомобилсозлик, ахборот технологиялари;
- 2027 йил 1 январдан – нефть-газ, металлургия, транспорт, қурилиш материаллари, тиббий буюмлар ишлаб чиқариш;
- 2028 йил 1 январдан – энергетика, кимё, экология, хизмат кўрсатиш.
Ҳокимликлар мазкур тадбирларни жорий этишни назорат қилишга жалб этилади.
2027 йил 1 январдан:
- қонунчилик метрологияси доирасида ўлчаш воситаларини қиёслаш амалиётидан воз кечган ҳолда верификация тизими жорий этилади;
- саноатда қўлланиладиган ва маҳсулот сифатига бевосита таъсир кўрсатадиган ўлчаш воситалари калибрлашга ўтказилади, стандарт намуналарни аттестациядан ўтказиш тартиби бекор қилинади.
2026 йил 1 сентябрдан бошлаб аккредитациядан ўтган лабораторияларнинг синов баённомалари (маҳаллий эҳтиёжлар учун ишлаб чиқаришда ўтказилган синовлар бундан мустасно) E-akkreditatsiya ахборот тизимида рўйхатдан ўтказилгандан сўнг расмийлаштирилади.
Маълумот учун:
Маҳсулотни сертификатлаш харажатларини қандай ҳисобга олиш кераклигини бу ерда тушунтирдик > > >
Ишлаб чиқаришни модернизация қилишда сиз янги технологик ускуналар қийматидан, ишлаб чиқаришни модернизация қилиш, техник ва (ёки) технологик қайта жиҳозлаш харажатларидан 20% миқдорида инвестициявий чегирмани қўллашингиз мумкин. Инвестициявий чегирмани қўллашнинг умумий қоидалари ва уни солиқ ҳисоботида акс эттириш – тавсияда > > >
