Қайси сервислар автомобилни онлайн режимида суғурталаш имконини беради

2023-йил 1 август

Март ойида Электрон турдаги суғурта хизматларини кўрсатиш тартиби тўғрисидаги низом кучга кирди . Автомобилларни суғурталаш бўйича таклифлар мисолида Ўзбекистоннинг суғурта бозори бунга қандай мослашганлигини кўриб чиқамиз.

Эслатиб ўтамиз, Низомга асосан:

суғуртанинг барча турлари (класслари) электрон шаклда сотилади ва расмийлаштирилади, уларнинг ҳақиқийлигини текшириш эса ягона ахборот тизимида ва суғурта ташкилотининг интернет-ресурсида амалга оширилади;
суғурта шартномасини тузиш учун ариза суғурта ташкилотининг ахборот тизими орқали берилади;
суғурта полислари рўйхатга олинади ва уларнинг айланмаси бўйича мониторинг олиб борилади.

Шундай қилиб, 2023 йилнинг июль ойи охири ҳолатига суғурта полисини қуйидаги суғурта компанияларининг сайти ёки мобиль иловаси орқали сотиб олиш мумкин:

Суғурталовчи	Сайтга ҳавола	Мобиль иловаси мавжудми
Alfa invest	https://alfainvest.uz/	мавжуд эмас
Alskom	https://alskom.uz/	мавжуд эмас
APEX INSURANCE	https://aic.uz	мавжуд эмас
Aria Sug‘urta Tashkiloti	https://ariainsurance.uz/	мавжуд эмас
Asia Insurance	http://asiainsurance.uz/	мавжуд
EUROASIA INSURANCE	https://www.eai.uz/	мавжуд
Gross Insurance	https://gross.uz/	мавжуд
Hamkor Sug`urta	https://hs.uz/	мавжуд
INSON	https://insuranceon.uz/	мавжуд эмас
KAFIL-SUG‘URTA	https://kafil.uz/	мавжуд эмас
KAFOLAT sug’urta	https://kafolat.uz/	мавжуд эмас
Kapital Sug’urta	https://kapitalsugurta.uz/	мавжуд эмас
My Insurance	https://myinsurance.uz/	мавжуд
SQB INSURANCE	http://sqbinsurance.uz/	мавжуд эмас
TEMIRYO’L-SUG’URTA	https://tys.uz/	мавжуд эмас
Unipolis	https://unipolis.uz/	мавжуд эмас
Universal Sug’urta	http://uns.uz/	мавжуд эмас
XALQ SUG'URTA	https://xalqsugurta.uz/	мавжуд эмас
Ўзбекинвест	https://insurance.uz/	мавжуд

Бошқа майдонлар

Шунингдек, бозорда иккита суғурта хизматлари агрегатори: zorgo.uz ва sugurtabozor.uz мавжуд бўлиб, улар суғурта компанияларининг таклифларидан энг манфаатлисини танлаб олиш имконини беради.

Айрим банкларнинг мобиль иловаларида ҳам автомобилларни суғурталаш бўйича хизмат пайдо бўлди. Улар жумласида, масалан, “Ипак йўли” банкининг иловаси бор.

Автомобилни онлайн тарзда суғурталашнинг яна бир варианти – тўлов сервислари ҳисобланади. Мисол учун, Clickда полисни “Менинг автомобилим” иловаси орқали сотиб олиш мумкин.

Суғурталовчиларнниг катта қисми АФЖМС ҳамда ЖТКАС (КАСКО) полисларини таклиф қилишади. Етказиб берувчини танлаш чоғида айрим сервислар суғурта полисини расмийлаштириш учун воситачилик ҳақи олишини эътиборга олинг.

Суғурталаш учун ариза шаклини тўлдириш чоғида “ҳайдовчилар сони” параметрига эътибор беринг. Суғурталаш қиймати шунга боғлиқ бўлади.

Эслатиб ўтамиз

Ўрта тадбиркорлик субъектлари йилда 1 марта БҲМнинг 20 бараваридан ошмайдиган, мол-мулкни суғурталаш харажатларининг 50 фоизигача қоплашни олиш ҳуқуқига эга.

Ўрта тадбиркорлик субъектлари жумласига жами даромади 10 млрд сўмдан 100 млрд сўмгача бўлган компаниялар киради .

Шунингдек қуйидаги тавсияларни ўқинг:

Саида ЖОНИЗОҚОВА тайёрлади