Сизга апрель ойида қуйидагилар керак бўлиши мумкин:
Технологик ускуналарнинг 676 та тури “Божсиз рўйхат”га киритилди
Вазирлар Маҳкамасининг 04.06.2021 йилдаги 352-сон қарори билан Ўзбекистонга импорт қилишда божхона божи ва қўшилган қиймат солиғидан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхати тасдиқланди.
Ҳужжатга мувофиқ, импорт божи ва ҚҚС тўлаш бўйича имтиёзлар ушбу рўйхатга киритилган ТИФ ТН кодлари билан янги технологик ускуналарга қўлланилади. Тафсилотлар - buxgalter.uz шарҳида:
“Янги технологик ускуна” деганда “эркин муомалага чиқариш” божхона режимида расмийлаштирилган пайтда 3 йилдан кўп бўлмаган вақт олдин ишлаб чиқарилган технологик ускуна тушунилади.
Рўйхатга 676 та позиция киритилди. Шу жумладан қуйидагилар учун ускуналар:
- сутга ишлов бериш ва уни қайта ишлаш ускуналари;
- нон ва макарон маҳсулотларни ишлаб чиқариш ускуналари;
- қандолат саноати, какао кукуни ва шоколад ишлаб чиқариш учун ускуналар;
- гўшт ёки паррандани қайта ишлаш учун ускуналар;
- тикув саноати ускуналари ва ҳ.к.
Саида ЖОНИЗОҚОВА тайёрлади