Саволларингизга жавобларни Buxgalter Pro да топасиз:
1 мартдан бошлаб барча давлат органларининг расмий сайтлари ягона платформа – Ҳукумат портали орқали фаолият юритиши керак 31.01.2025 й. 54-сон ВМҚ 3-б. «в» к.б.. Аввалги сайтлар фойдаланувчиларни порталдаги янги сайтларга йўналтиради.
Бугун янги платформада Солиқ қўмитасининг сайти ҳам ишлай бошлади. Ва у ерда янги маълумотлар – солиқ резидентлиги сертификатлари намуналари ва хорижий давлатларнинг солиқ (молия) хизматлари сайтларига ҳаволалар пайдо бўлди. Buxgalter.uz асосий тафсилотларни аниқлаштирди:
Муҳим янгиликларни ўтказиб юбормаслик учун Телеграм-каналимизга обуна бўлинг.
Агар қидирув сатрига soliq.uz киритилса, сатр манзили ҳақиқатан ҳам автоматик равишда дарҳол янги ҳаволага – https://gov.uz/oz/soliq га ўзгаради.
Бунда ҳозирча платформа синов режимида ишлаётганлиги ҳақида огоҳлантирувчи ёзув билан югурувчи сатр узатилмоқда.
Яхши янгилик: бош саҳифада «Ҳужжатлар» бўлимида янги маълумот – «Халқаро ҳамкорликнинг ҳуқуқий асослари» пайдо бўлди.
Бу ерда солиқ резидентлиги сертификатлари намуналари ва хорижий давлатларнинг солиқ (молия) хизматлари сайтларига ҳаволалар жойлаштирилган.
Ҳозирча барча мамлакатлар бўйича маълумот тақдим этилмаган. Аммо ҳозирда мавжуд бўлган маълумотлар ҳам, шубҳасиз, солиқ тўловчиларнинг ишини соддалаштиради.
Бу Австрия мисолида қуйидагича кўринади:
Зарур бўлганда барча ҳаволалар фаол, юклаб олиш, чоп этиш ёки кейинги иш учун шунчаки компьютерда сақлаб қўйиш мумкин.
Buxgalter.uz тавсия қилади:
Юлия ТАРШИЛОВА тайёрлади
