Юридик шахсларнинг мол-мулкига солинадиган солиқ бўйича имтиёзларнинг аксарият қисми бекор қилинади

Солиқ кодексидаги амалдаги норма 

Солиқ кодексининг янги таҳрири лойиҳасидаги таклиф  

Шарҳлар 

Ягона ер солиғини тўловчилар мол-мулк солиғини тўловчилар ҳисобланмайди (СКнинг 265-моддаси).

Ер ва ягона ер солиқларининг бирлаштирилиши муносабати билан қишлоқ хўжалиги корхоналари мол-мулк солиғини тўловчилар бўлади. 

   Мол-мулк солиғи бўйича имтиёзлар СКнинг 269-моддасида келтирилган.

Имтиёзлар бекор қилинди, жумладан:

• темир йўллар, магистраль трубопроводлар, алоқа ва электр узатиш линияларининг, шунингдек ушбу объектларнинг ажралмас технологик қисми бўлган иншоотларнинг ўртача йиллик қолдиқ қийматига солиқ солинадиган базани камайтириш;
• янги ташкил этилган корхоналарни - давлат рўйхатидан ўтказилган пайтдан эътиборан 2 йил мобайнида солиқдан озод этиш (426-модда).

Солиқ ставкаси - 2% (269-1-модда).

Қўшимча солиқ ставкаси киритилди.

Асосий солиқ ставкаси – 2%.

Қўшимча 0,1% ставка қуйидагиларга нисбатан қўлланилади:

• темир йўллар, магистраль трубопроводлар, алоқа ва электр узатиш линиялари, шунингдек ушбу объектларнинг ажралмас технологик қисми бўлган иншоотлар;
• консервация қилиниши тўғрисида Вазирлар Маҳкамасининг қарори қабул қилинган кўчмас мулк ва тугалланмаган қурилиш объектлари (427-модда). 

     Жорий тўловлар микрофирмалар ва кичик корхоналар томонидан солиқ йиллик суммасининг тўртдан бир қисми миқдорида ҳар чорак учинчи ойининг 25-кунидан кечиктирмай тўланади (СКнинг 271-моддаси).

Кичик корхоналар учун солиқни тўлаш муддатлари ўзгарди.

Жорий тўловлар айланмадан солиқ тўловчилар томонидан солиқ йиллик суммасининг тўртдан бир қисми миқдорида ҳар чорак учинчи ойининг 10-кунидан кечиктирмай тўланади (429-модда).

     Солиқ даврида товарлар (хизматлар) реализацияси тушуми 1 млрд сўмдан ошмаган юридик шахслар айланмадан солиқ тўловчилар ҳисобланади.