Полезное для бухгалтера в ноябре:
«Ассортиментда мажбурий рақамли маркировкага тегишли товарлар пайдо бўлди. ЭҲФда «Қадоқ тури» бўлими бор, уни тўлдиришда очиладиган ёрдамдан «истеъмол», «гуруҳ» ёки «транспорт» турини танлаш керак. Қачон қайси қадоқни кўрсатиш керак?»
Вuxgalter.uz илтимосига кўра қадоқ турлари ўртасидаги фарқларни Green White Solutions рақамли маркировка тизими интеграторининг мутахассиси Роман ГРОМОВОЙ тушунтириб берди:
Керакли тушунтиришни ўтказиб юбормаслик учун бизнинг Телеграм-каналимизга обуна бўлинг.
– Бу саволни бизга тез-тез беришади.
Рақамли маркировка ҳар бир товар бирлигига - ичимлик шишасига, дори қутисига ва ҳоказоларга қўйилади. Чакана савдода донабай сотишда кодни сканерлаш ва уни ҳисоб-фактурада ёки онлайн-НКМ чекида акс эттириш етарли.
Бир вақтнинг ўзида ўн минглаб товар бирликларини жўнатадиган ишлаб чиқарувчилар ва импорт қилувчилар уларни йирикроқ қадоқларга бирлаштиради. Рақамли маркировка тизимида бундай ҳар бир қадоққа унинг ичидаги товар бирликлари ҳақидаги маълумотларни ўз ичига олган ягона (агрегацияланган) код берилади. Агар сиз бутун қадоқни очмасдан сотсангиз, ҳисоб-фактурада ёки онлайн-НКТ чекида фақат шу қадоқнинг кодини кўрсатиш етарли.
Уч хил қадоқ фарқланади:
- гуруҳ;
- истеъмол;
- транспорт.
Истеъмол - энг кичик қадоқ бирлиги бўлиб, у бевосита якуний истеъмолчига етиб боради. Унга одатда битта товар қадоқланади ва кўпинча индивидуал Data Matrix коди билан маркировка қилинади.
"Дори воситалари" товар гуруҳи учун истеъмол қадоғи деганда бирламчи қадоқдаги дори воситаси жойлаштириладиган иккиламчи (ташқи) қадоқ тушунилади. Агар иккиламчи қадоқ (масалан, қути) бўлмаса, истеъмол қадоғи сифатида дори воситаси билан бевосита алоқада бўладиган бирламчи (ички) қадоқ (блистер, ампула, флакон ва ҳоказо) ҳисобланади.
Гуруҳ қадоғи бир нечта истеъмол қадоқларини битта қадоққа бирлаштиради, ташиш ва сақлаш қулайлиги учун ишлатилади. Масалан, гуруҳ қадоғига бир нечта товар қутилари қадоқланиши мумкин (ҳар бир қутида ўзининг истеъмол қадоғи бор). Гуруҳ қадоғи ҳам ичидаги барча товарлар ҳақидаги маълумотларни ўз ичига олган алоҳида код билан маркировка қилиниши мумкин. Одатда, уни ишлаб чиқарувчилар, импорт қилувчилар ва дистрибьюторлар ишлатади.
Транспорт қадоғи - бу гуруҳ ёки истеъмол қадоқларини катта масофаларга ҳимоя қилиш ва ташиш учун мўлжалланган қадоқнинг ташқи қатлами. У товарларни оммавий кўчириш учун ишлатилади (масалан, ишлаб чиқарувчидан улгуржи харидорга). Транспорт қадоғи паллет, қути ёки яшик кўринишида бўлиши мумкин. Бошқа қадоқ турлари каби, у ҳам маркировка қилинади, бу эса логистика занжирининг барча босқичларида товарлар ҳаракатини кузатиб бориш имконини беради.
Гуруҳ ва транспорт қадоқлари, одатда, логистика учун ишлатилади, лекин истеъмол қадоғи каби, улар баъзан якуний истеъмолчига чакана сотувда онлайн - НКТ орқали муомаладан чиқарилиши мумкин.
Buxgalter.uz тавсия этади:
Олег ГАЕВОЙ тайёрлади
