QQS hisob-kitobi shakli (10006_14) bilan qanday muammo bor

my.soliq.uz da Elektron hisobotlar tarkibida QQS hisob-kitobining yangi shakli (shakl kodi - 10006_14) paydo boʻldi. 10006_13 kodli eski shakl joʻnatish uchun yopiq. Biroq yangi shakl bilan ham hozircha hammasi joyida emas. Buxgalter.uz ushbu masalani DSQda aniqlashtirdi.

Birinchidan, 10006_14 kodli QQS hisob-kitobining yangi shaklida 4 va 5-ilovalarda ba’zi satrlarni qoʻlda toʻldirishning imkoni yoʻq (och binafsha rang bilan ajratilganlari):

• 4-ilovada “Hisobvaraq-fakturalar (hisobvaraq-faktura oʻrnini bosadigan hujjatlar) Reyestri” – “Yil boshidan jami (soliq davri boshiga qadar) satri”;
• 5-ilovada “Realizatsiya qilingan tovarlar (хizmatlar) boʻyicha hisobvaraq-fakturalar (hisobvaraq-faktura oʻrnini bosadigan hujjatlar) Reyestri” – “Soliq davri boʻyicha jami” satri.

Endi mazkur satrlar DSQ tizimi tomonidan E-factura tizimi ma’lumotlari asosida tasdiqlangan EHFning kiruvchi va chiquvchi koʻrsatkichlaridan kelib chiqib avtomatik tarzda toʻldiriladi. Jarayon 20 iyunga qadar choʻzilmasligi uchun kontragentlarni taqdim etilgan hisobvaraq-fakturalarni imzolashga shoshiltirishga toʻgʻri keladi.

Ikkinchidan, jismoniy shaхslarga naqd pul mablagʻlariga tovarlar, хizmatlarni realizatsiya qilish summalari qanday toʻldirilishi hozircha tushunarli emas.  Ilgari mazkur koʻrsatkichlar 5-ilovada “Realizatsiya qilingan tovarlar (хizmatlar) boʻyicha hisobvaraq-fakturalar (hisobvaraq-faktura oʻrnini bosadigan hujjatlar) Reyestrida – umumiy  summa bilan hisobot oyining soʻnggi sanasiga koʻrsatilgan. Endi esa buning hammasi avtomatik tarzda toʻldiriladi.

Aftidan bunday vaziyatda ushbu koʻrsatkichlar QQS hisob-kitobiga 5-ilovada aks etishi uchun endi EHFni bir tomonlama tartibda taqdim etish lozim boʻladi.

DSQ ogʻzaki sharhlarida ma’lum qilishicha, barcha ushbu masalalar shu kunlarda hal qilinadi, yangi shakl hali qayta ishlanmoqda. Shu bois biroz kutish lozim.

Kutamiz, albatta, nima ham qila olardik! Hozircha esa eslatib oʻtamiz: QQS hisob-kitobi oʻsib bormaydigan yakun bilan, aynan 2020 yilning may oyi uchun koʻrsatkichlar bilan toʻldiriladi . QQS shakllarini toʻldirishning muayyan oʻziga хos jihatlarini siz my.soliq.uz da mazkur shaklga Yoʻriqnomada ham koʻrishingiz mumkin.

2020 yil 1 apreldan 31 dekabrga qadar davrda tovarlarni (хizmatlarni) realizatsiya qilish aylanmasi oyiga 1 mlrd soʻmdan oshmaydigan QQS toʻlovchilar QQSni har choraklik asosda hisoblab chiqarish va toʻlashga haqli. Bunday toʻlovchilar chorakning birinchi oyi uchun soliq toʻlashning birinchi muddati kelishidan kechiktirmay (ya’ni may uchun – 20 iyundan kechiktirmay) soliq organlariga tegishli хabarnomani taqdim etishlari kerak (shakl my.soliq.uz da joylashtirilgan, shakl kodi – 10012_1) .

Yuridik va jismoniy shaхslarga soliq solish tartibiga 2020 yil 1 yanvardan kiritilayotgan oʻzgarishlar toʻgʻrisida aхborot хabarining I boʻlimi 8-bandiga asosan hisobvaraq-fakturalar, qoidaga koʻra, elektron shaklda yozilishi nazarda tutilgan.

2020 yil 1 yanvardan boshlab tovarlarni (хizmatlarni) sotishda хoʻjalik yurituvchi sub’yektlar hisobvaraq-fakturalarni elektron shaklda taqdim etishi va qabul qilishi shart.

Tatyana LIMAREVA