Yillik inventarizatsiya – 2026: tartib va hujjatlar
Davlat soliq qoʻmitasi hisobot shaklini qayta ishladi. Endi ijtimoiy soliqning 1% stavkasini bunday huquq taqdim etilgan barcha soliq toʻlovchilar muammosiz qoʻllashlari mumkin
.
Eslatib oʻtamiz, yaqinda ijtimoiy tarmoqlarda ushbu hisobot shakli qayta ishlanmaganligi haqida postlar paydo boʻlgandi. Buxgalter.uz sharhlar yuzasidan DSQga murojaat qildi. Soliq qoʻmitasi mutaxassislari bunga javoban haqiqatdan PF-5996-son Farmon doirasida JShDS va ijtimoiy soliq shakllariga oʻzgartirish kiritish chogʻida barcha oʻziga xos jihatlar ham inobatga olinmaganligini tan oldi.
Yetarlicha qayta ishlanmaganligining mohiyati shundaki, quyidagilarda aks ettirilgan daromadlarga nisbatan elektron hisobotda ijtimoiy soliqning 1% stavkasini qoʻllash imkonsiz edi:
- 0111-satrda “Oʻzbekiston Respublikasi hududida ishlash uchun chet ellik xodimlarni berish boʻyicha xizmatlar koʻrsatish shartnomasiga muvofiq yuridik shaxs - Oʻzbekiston Respublikasi norezidentiga toʻlanadigan chet ellik xodimlarning daromadlari”;
- 013-satrda “Oʻzbekiston Respublikasi norezidenti boʻlgan jismoniy shaxslar tomonidan Oʻzbekiston Respublikasidagi daromadlar manbaidan olingan daromadlar (Hisob-kitobga 4-ilova)”.
Mehnatga haq toʻlash tarzidagi ushbu daromadlarga ilgarigidek avtomatik tarzda 12% stavka boʻyicha ijtimoiy soliq solingan. Bu Prezidentning 18.05.2020 yildagi PF-5996-son Farmonining 4-bandiga zid boʻlgan.
Endi esa tuzatishlar kiritilgan. Ushbu daromadlarga, 011-satrda koʻrsatilganlarga kabi, ularni 0111-satrning 6-ustunida 2020 yilning may va iyun hisobot oylari uchun koʻrsatgan holda 1% stavka boʻyicha ijtimoiy soliqni qoʻllash mumkin.
Bunda 012-satrni “Mehnatga haq toʻlash bilan bogʻliq boʻlmagan daromadlar (Oʻzbekiston Respublikasi Soliq kodeksining 375 (dividend va foizlardan tashqari), 376 va 377-moddalari) (Hisob-kitobga 6-ilovaning 4-ustuni)” toʻldirish – oʻzgarishsiz qoladi, sababi ushbu daromadlar mehnatga haq toʻlash tarzidagi daromadlarga kirmaydi va ijtimoiy soliq solinmaydi
.
Oleg GAYeVOY,
Tatyana LIMAREVA