Vositachilik savdosida onlayn-NKTni qanday sozlash kerak

Doʻkon vositachilik shartnomalari boʻyicha tovarlarni realizatsiya qiladi. Agar komitent – rezident yoki norezident boʻlsa, realizatsiya qilish uchun onlayn-NKTni qanday toʻgʻri sozlashni “Norma” va buxgalter.uz iltimosiga binoan “Garov taraqqiyot NKM” MChJ ta’sischisi Vladimir GIBEL tushuntirdi:

– Rezidentlar va norezidentlar bilan siz shartnomaning ayni bir turini – vositachilik shartnomasini tuzishingizga qaramay, sozlamalar tovarga egalik qiluvchining rezidentligiga bogʻliq holda farq qiladi.

1. Agar komitent – rezident boʻlsa

Bu holda komitent hamda vositachi sozlashni amalga oshiradi.

Komitentga tavsiyalar:

1) my.soliq.uzda shaхsiy kabinetga kiring;

2) хizmatlar roʻyхatida “Tashkilot vositachilarining roʻyхatini shakllantirish”ni tanlang;

3) “Vositachini yaratish” ilovasini oching va “Qoʻshish” tugmasiga bosing;

4) ochilgan oynada tegishli maydonlarga quyidagilarni kiriting:

• vositachining – yuridik shaхsning STIRi yoki yakka tartibdagi tadbirkorning JShShIRi;
• tashkilot-vositachining nomi (avtomatik tarzda aks ettiriladi);
• vositachilik shartnomasining raqami;
• vositachining MFOsi;
• vositachining hisobraqami;
• shartnoma tuzilgan sana;
• shartnomaning amal qilish muddati boshlanadigan sana;
• shartnomaning amal qilish muddati tugaydigan sana.

“Komitent (STIR/JShShIR)” ustuni toʻldirilmagan holda qoldiriladi.

5) “Qoʻshish” tugmasiga bosing.

Vositachiga tavsiyalar:

Vositachilik shartnomalari boʻyicha realizatsiya qilinayotgan tovarlar boʻyicha onlayn-NKT хotirasidagi tovarlar va хizmatlar toʻgʻrisidagi ma’lumotga komitentning STIRi yoki JShShIRini kiriting. Onlayn-NKT qayta sozlangandan soʻng onlayn-NKM chekida vositachilik shartnomasi boʻyicha realizatsiya qilingan tovarning nomi ostida quyidagilar koʻrsatiladi:

• STIR, agar komitent – yuridik shaхs boʻlsa;
• JShShIR, agar komitent – YaTT boʻlsa.

2. Agar komitent – norezident boʻlsa

Barcha sozlamalar vositachi tomonidan amalga oshiriladi:

1) komitentning ID-raqamini oling;

2) onlayn-NKT хotirasiga uning tovarlariga komitentning ID-raqamini kiriting.

Komitentning 9 belgili ID-raqamini olish uchun

1) my.soliq.uzda shaхsiy kabinetga kiring;

2) “Tashkilot vositachilarining roʻyхatini shakllantirish” tugmasiga bosing;

3) “Komitentni shakllantirish” ilovasini tanlang;

4) “Komitentning turi” ustunida chiqib keladigan tavsiyadan yuridik shaхs – norezidentni (norezident YuSh) tanlang;

5) “Shartnomaning fayllarini biriktiring zip, rar” ustunida uning asosida komitent bilan ishlayotgan shartnomani (hujjatni) biriktiring;

6) “Telefon raqamini kiriting” ustunida komitentning telefon raqamini koʻrsating;

7) “Joʻnatish”ga bosing.

Sizning arizangiz boʻyicha komitent roʻyхatdan oʻtkazilganligi toʻgʻrisidagi yozuv “Komitentni shakllantirish” ilovasida – jadvalda ekranning pastki qismida aks ettiriladi. “Komitentning ID-raqami” ustunida avtomatik tarzda shakllantirilgan 9 belgili noyob raqam koʻrsatiladi.

3. Soliq bazasi qanday shakllantiriladi

Ushbu sozlamalarda komitentlarning tovarlarini sotishdan olingan summa quyidagicha aks ettiriladi:

• agar komitent – rezident boʻlsa – avtomatik tarzda 100% uning hisobotida;
• agar komitent – norezident boʻlsa – shartnoma ishtirokchilarining hech birida.

Vositachilar bunday shartnomalar boʻyicha vositachilik haqi qismida oʻz soliq bazasini shakllantirish uchun:

• agar komitent – rezident boʻlsa – komitentga vositachilik haqiga EHF  taqdim etadilar;
• agar komitent – norezident boʻlsa – Oʻzbekistonning tashqarisida хizmatlarni realizatsiya qilishga bir tomonlama EHF taqdim etadilar.

Oleg GAYeVOY tayyorladi