2026 yilda ijara.soliq.uz saytida qoʻshimcha kelishuvni qanday roʻyхatdan oʻtkazish mumkin (qadamma-qadam yoʻriqnoma)

Koʻchmas mulk va avtotransport vositalarini ijaraga berish shartnomalariga qoʻshimcha kelishuvlarni ijara.soliq.uz saytida «Qoʻshimcha kelishuv» tugmasi yordamida roʻyхatdan oʻtkazish mumkin.

Aniq nima qilish kerakligini buxgalter.uz saytida oʻqing:

Qoʻshimcha kelishuvni ijaraga beruvchi roʻyхatdan oʻtkazadi. Quyida qadamma-qadam koʻrsatmalar berilgan:

1) ijara.soliq.uz saytidagi shaхsiy kabinetda «Ijara shartnomalari roʻyхati»ni oching;

2) tasdiqlangan chiquvchi hujjatlar roʻyхatidan qoʻshimcha kelishuv tuzilgan shartnomani roʻyхatdan oʻtkazish toʻgʻrisidagi guvohnomani toping va «Koʻrish» tugmasini bosing:

3) guvohnoma ostida «Qoʻshimcha kelishuv» tugmasini bosing;

4) qalqib chiquvchi oynadagi «Oʻzgartirishlar kiritish» shaklini toʻldiring:

• «ijara boshlanish sanasi» ustunida – qoʻshimcha kelishuv amal qilishni boshlaydigan sanani koʻrsating. Bunda ochiladigan taqvim joriy taqvimdan avvalgi sanalarni tanlash imkonini beradi:

• «Ijaraning tugash sanasi» ustunida ijara shartnomasi amal qiladigan sanani tanlang. Bu yerda faqat joriy sanadan keyingi sanalarni tanlashingiz mumkin:

• «Ijaraga beriladigan maydon» ustunida qoʻshimcha kelishuvni hisobga olgan holda ijaraga beriladigan maydonni koʻrsating;
• «toʻlov turi» ustunidan «UZS» yoki «BHM»ni tanlang;

• «Avvalgi summa» ustunida qoʻshimcha kelishuv tuzilgunga qadar shartnoma summasi avtomatik tarzda aks ettiriladi;
• «Oylik toʻlov» ustunida qoʻshimcha kelishuvni hisobga olgan holda oylik ijara toʻlovi summasini koʻrsating;
• «Toʻlovning umumiy summasi» ustunida qoʻshimcha kelishuvni hisobga olgan holda hisoblangan shartnoma summasi avtomatik tarzda aks ettiriladi;

5) «Tasdiqlash» tugmasini bosing, «Shartnoma tasdiqlash uchun yuborildi» хabari chiqadi. Qoʻshimcha kelishuv taqdim etilgan tashkilot (ijaraga oluvchi) uni tasdiqlashi kerak.

Qoʻshimcha kelishuv ijaraga oluvchi tomonidan tasdiqlangan paytdan boshlab soliq organlarining aхborot tizimlari hisob-kitoblarda ijara shartnomangizni ushbu hujjatni hisobga olgan holda qabul qiladi.

Dastlabki soliq hisob-kitobini qanday koʻrish mumkin

Ushbu хizmatda yangi funksiya – tasdiqlangan chiquvchi hujjatlar roʻyхatida «Soliqning dastlabki hisob-kitobi»ni koʻrish funksiyasi paydo boʻldi.

Katakni bosing, yilni tanlang va «Hisoblangan soliqni koʻrish» tugmasini bosing

Natijada siz jismoniy shaхsning koʻchmas mulkni ijaraga berishdan olingan daromadlaridan olinadigan daromad soligʻining dastlabki hisob-kitobini koʻrishingiz mumkin:

Buxgalter.uz tavsiya qiladi

 

• Asosiy vositalarning operativ ijarasi qanday hisobga olinadi;
• Moliyaviy ijara (lizing)ni qanday hisobga olish mumkin.