ETTYuXni rasmiylashtirish kechikkan boʻlsa

preview

1 iyuldan boshlab  ETTYuX rasmiylashtirishi shart boʻlgan tadbirkorlik sub’yektlari safiga qoʻshilgan soliq toʻlovchilar murakkab vaziyatga tushib qoldilar. Yirik soliq toʻlovchilardan farqli oʻlaroq, ular oʻtgan davr uchun barcha ETTYuXlarni taqdim eta olmaydilar.

Bunday vaziyatda nima qilish kerakligi haqida buxgalter.uz iltimosiga koʻra soliq maslahatchisi Rustam SOBIROV gapirib berdi:

Mutaxassisning muhim tushuntirishini oʻtkazib yubormaslik uchun Telegram-kanalimizga obuna boʻling.

 

Qonun boʻyicha qanday boʻlishi kerak

– Yuk joʻnatuvchi ETTYuXni rasmiylashtirish bilan bir vaqtda EHF rasmiylashtirishi kerak .

 Agar Hisobvaraq-fakturalarning shakllari va ularni toʻldirish, taqdim etish va qabul qilish tartibi toʻgʻrisidagi nizomning 5-7-bandlarida boshqacha tartib nazarda tutilmagan boʻlsa, hisobvaraq-faktura tovarlarni joʻnatish (topshirish) yoki xizmatlar koʻrsatish sanasida yozib beriladi .

Bu ikki normadan ETTYuXni tovarlarni joʻnatish (topshirish) kalendar sanasida rasmiylashtirish kerakligi aniq tushunarli, eng toʻgʻri variant – rasmiylashtirishni mashina sotuvchining omboridan joʻnab ketishidan oldin bajarilgani yaxshi.

 

Amalda nima boʻldi

Buxgalterlarning xayolida oʻtgan oy uchun hisobvaraq-fakturalarni keyingi oyning 10-sanasigacha rasmiylashtirish mumkinligi qattiq oʻrnashib qolgan. Bunga soliqchilarning oʻzlari koʻmaklashgan. Aslida, bu norma tovarlar realizatsiyasiga tatbiq etilmaydi. Biroq hech qanday texnik cheklovlar yoʻq. Shuning uchun tovarlar realizatsiyasida ham EHFni 10-sanagacha rasmiylashtiradilar. Koʻpchilik hisobvaraq-fakturalar 10-sanagacha boʻlsa, ETTYuXni ham 10-sanagacha rasmiylashtirishga ruxsat berishadi deb oʻylagan.

Ehtimol, kimdir koʻnikma yoʻqligidan ETTYuXni oʻz vaqtida taqdim etmagandir. Balki yirik soliq toʻlovchilarning tajribasiga oriyentir olgandir, oʻtgan soliq davri uchun ETTYuX taqdim etishga qoʻshimcha muddat olishga umid qilgandir. Va bu yerda gap kimdir elektron hujjatlarni belgilangan muddatlarda rasmiylashtirishni istamayotgani haqida emas. Bir kunda koʻplab EHF va ETTYuX taqdim etishga toʻgʻri keladigan korxonalar bor. Bu ish uchastkasiga bir nechta odam ajratilgan, lekin hajmlar yoki ish xususiyatlari tufayli ular baribir ulgurishmayapti. Shuning uchun muddatlarni buzishga toʻgʻri kelmoqda.

1 avgustga kelib iyul oyi uchun rasmiylashtirilmagan ETTYuXlari qolganlar 5 avgustgacha oʻtgan oy uchun ETTYuX taqdim etishlari mumkin edi va bu bilan hammasi tugaydi. Soliqchilar buni texnik nosozliklar tufayli qogʻozda rasmiylashtirilgan TYuXni ETTYuX tizimi ishi tiklanganidan keyin 5 ish kuni ichida elektron shaklda taqdim etish mumkinligi haqidagi norma bilan tushuntirmoqdalar .

Ba’zi soliq toʻlovchilar vaziyatdan chiqishga urinib, ETTYuXni avgust sanasi bilan taqdim etmoqdalar, lekin tovar nomida "tovar iyulda yetkazib berilgan" degan belgi qoʻymoqdalar. Bu soliq toʻlovchiga yordam berishi dargumon, koʻproq chalkashlik tugʻdiradi. Dastur baribir bu yozuvni qabul qilmaydi. Avgustda birdan iyulda sotilgan tovar uchun hujjatlar paydo boʻlib qoldi... Agar yuk oluvchilar bunday ETTYuXlarni hali imzolamagan boʻlsalar, ularni rad etish yaxshiroq boʻladi.

Soliq qoʻmitasi raisi tadbirkorlar bilan uchrashuvda bir yil davomida ETTYuXni notoʻgʻri rasmiylashtirganlik uchun jarima solinmasligini va’da qildi. Shuning uchun men iyulda ETTYuX rasmiylashtirilmagan tashishlarni shundayligicha qoldirgan boʻlardim. Hech boʻlmaganda - Soliq qoʻmitasi, agar zarur deb hisoblasa, iyul uchun ETTYuX taqdim etish muddatlarini uzaytirish haqida e’lon qilguniga qadar.

Bundan keyin belgilangan qoidalarni buzmagan ma’qul.

Men Soliq qoʻmitasi mutaxassislarining e’tiborini yuzaga kelgan vaziyatga qaratmoqchi edim. Agar iyulda ETTYuX taqdim etishga ulgurmaganlarga istisno tariqasida bunday imkoniyat berilsa, toʻgʻri boʻladi. Umuman olganda, ETTYuX taqdim etish muddatlarini qayta koʻrib chiqish maqsadga muvofiq,  koʻpchilik tadbirkorlar belgilangan muddatda hujjatni shakllantirishga ulgurmayaptilar.

 

 Oleg GAYeVOY tayyorladi


ETTYuX ETTYuX ETTYuX /oz/publish/doc/text202052_ettyuhni_rasmiylashtirish_kechikkan_bulsa