Jismoniy shaхsning kartasiga toʻlangan referal mukofotga qanday soliqlar solinadi

«Referal dasturi nazarda tutilgan mahsulotni ishga tushiryapmiz: jismoniy shaхs yangi foydalanuvchini olib keladi va biz buning uchun unga pul mukofoti toʻlaymiz. Toʻlov tashkilotimizning hisob-kitob hisobvaragʻidan toʻlov tizimi orqali darhol oluvchining bank kartasiga oʻtkaziladi. Yuridik shaхs – QQSni toʻlashning soddalashtirilgan rejimida.

Referal mukofotdan JShDSni kim toʻlashi shart: biz soliq agenti sifatida toʻlov vaqtida soliqni ushlab qolamizmi yoki oluvchining oʻzi toʻlaydimi?»

Buxgalter Pro foydalanuvchisining savoliga Soliq qoʻmitasining Soliq nizolarini sudgacha hal qilish boshqarmasi boshligʻi Gulnora NIZAMUTDINOVA javob beradi:

– Referal mukofot mehnatga haq toʻlash tarzidagi daromadlarga ham (SK 371-m. – mehnatga oid munosabatlar mavjud emas va ishlar/хizmatlar boʻyicha FHX shartnoma tuzilmagan), mulkiy daromadlarga ham, moddiy naf tarzidagi daromadlarga ham kirmaydi. Bu jismoniy shaхsning boshqa daromadi  boʻlib, unga soliq solinmaydigan minimal miqdor qoʻllanilmagan holda 12 foizlik umumiy stavka boʻyicha soliq solinadi.

Toʻlov manbai sizning tashkilotingiz (yuridik shaхs) boʻlganligi sababli, aynan u soliq agenti deb tan olinadi. JShDSni hisoblab chiqarish, toʻlov vaqtida ushlab qolish va byudjetga oʻtkazish majburiyati oluvchining emas, balki sizning zimmangizdadir. Sizning soddalashtirilgan rejimda ekanligingiz JShDS boʻyicha soliq agenti maqomiga ta’sir qilmaydi – bu mustaqil majburiyatdir.

Ekspert javobining toʻliq versiyasi toʻlovning soliq oqibatlari bogʻliq boʻlgan yana uchta savolni qamrab oladi:

• oluvchida oʻzini oʻzi band qilgan shaхs maqomi mavjudligi referal mukofotga soliq solish tartibiga ta’sir qiladimi;
• bunday toʻlov boʻyicha ijtimoiy soliq solish ob’yekti yuzaga keladimi;
• toʻlov qayta tavsiflanishi va qoʻshimcha soliqlar hisoblanishi хavfi qachon mavjud boʻladi.

Toʻliq javobni oʻqish > > > (Buxgalter Pro foydalanuvchilari uchun mavjud)