Янгиликлар

Фуқароларга давлат хизматлари тақдим этишда ҳуқуқбузарлик учун маъмурий чоралар қўлланади

30.05.2019

Давлат хизматлари агентлиги ўз эълонида давлат хизматлари марказлари ходимлари давлат хизматлари кўрсатишда ҳуқуқбузарлик учун Маъмурий жавобгарлик тўғрисидаги кодекснинг 215-5-моддасига асосан жавобгар бўлиши ҳақида огоҳлантирди.

Хусусан:

  • арз қилувчидан мурожаатни қабул қилишни рад этганликда;
  • давлат хизматлари кўрсатиш чоғида мурожаатларни кўриб чиқиш тартибини ва муддатларини бузганликда;
  • арз қилувчидан қонун ҳужжатларида назарда тутилмаган ҳужжатларни талаб қилиб олганликда;
  • давлат хизматлари кўрсатиш соҳасидаги ваколатли давлат органининг қонуний талабини (топшириғини) бажармаганликда ифодаланган тарзда бузилишида.

Бундай ҳуқуқбузарликлар Давлат хизматлари агентлиги органлари томонидан мансабдор шахсларга ва хизматчиларга ЭКИҲнинг 3 бараваридан 5 бараваригача миқдорда жарима солишга асос бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга ва хизматчиларга ЭКИҲнинг 5 бараваридан 10 бараваригача миқдорда жарима солишга сабаб бўлади.

Лола Абдуазимова.


 

Чтобы получать новости от Buxgalter.uz первыми, подписывайтесь на Telegram-канал
Помощь