Вам могут понадобиться в апреле:
“Автомат” билан айланмадан олинадиган солиқ ҳисоб-китобларини топширишга қандай тайёргарлик кўриш мумкин
ДСҚ Айланмадан олинадиган солиқ ҳисоб-китобини автоматик тарзда тўлдиришга ўтиш бошланганлигини маълум қилди. Buxgalter.uz ахборотни аниқлаштирди ва бухгалтерларга ёрдам тариқасида 2020 йилнинг III чораги учун ҳисоботни тайёрлаш юзасидан қисқача тавсияларни тайёрлади.
Техник жиҳатдан – барчаси тайёр ва 2020 йилнинг III чораги учун ҳисобот даврини (1 дан 15 октябрга қадар) кутмоқда.
Энди Айланмадан олинадиган солиқ ҳисоб-китобининг 010-сатрининг “Товарлар (хизматлар)ни реализация қилишдан олинган даромадлар” 3 устуни:
- ЭҲФ тизимидан маълумотлар асосида;
- экспорт контрактлари бўйича – ДБҚ ахборот тизимидан автоматик тарзда тўлдирилади.
Ҳисоб-китоб 010-сатрининг қолган устунлари ҳозирча қўлда тўлдирилади. Агар тадбиркорлик субъекти бир нечта фаолият турлари билан шуғулланса, Ҳисоб-китоб 010-сатрининг 4,5,6,7,8,9-устунлари қўлда тўлдирилади ва тизим томонидан акс эттирилган 3-устуннинг суммасига мутаносиблиги текширилади.
III ва IV чораклар учун корхонанинг жами даромади ЭҲФ тизими маълумотлари ва олдинги ҳисобот даврлари (2020 йил ярим йиллиги) учун Ҳисоб-китоб кўрсаткичлари асосида ўсиб борувчи якунни инобатга олган ҳолда шакллантирилади.
2021 йилдан бошлаб, жами даромад фақат ЭҲФ тизими маълумотлари асосида ҳисобланади.
Buxgalter.uz тавсия қилади
Ҳисобот топширгунга қадар сўнгги 20 кунда:
- 2020 йил июль-сентябрь даври учун контрагентлар билан тузилган барча шартномалар бўйича ҳисобварақ-фактураларнинг мавжудлиги ва тўғри тўлдирилганлигини қайта текширинг;
- ўз вақтида расмийлаштирилмаган ҳисобварақ-фактураларни – расмийлаштиринг, хатолар мавжуд бўлган ҳужжатлар бўйича – тузатилган ҳисобварақ-фактураларни тақдим этинг. Бу ҳақда ўз контрагентларингизни огоҳлантиринг;
- агар илгари тақдим этилган ҳисобварақ-фактураларда хатолар аниқланган бўлса ва сиз уларга тузатилган ҳисобварақ-фактураларни шакллантирган бўлсангиз – олдинги ҳисобот даврлари (2020 йилнинг I чораги ва/ёки ярим йиллиги) учун Айланмадан олинадиган солиқ ҳисоб-китобини қайта топширинг;
- агар қайсидир битимлар бўйича қоғоз шаклида расмийлаштирилган ҳисобварақ-фактуралар мавжуд бўлса – уларни ЭҲФ тизимида расмийлаштиринг.
2020 йилнинг III чораги учун Айланмадан олинадиган солиқ ҳисоб-китобини тўлдириш чоғида яна нималарга эътибор бериш лозимлиги ҳақида бу ерда ва бу ерда ўқинг.
ДСҚнинг асл хабарини дастлабки манбада кўринг.
