Получите быстрые ответы, проверенные экспертами:
«Ходим оиласида янги фарзанд туғилганини маълум қилди. Биз унга қандай миқдордаги тўловни амалга ошира оламиз? Қандай солиқ оқибатлари юзага келади?»
Фарзанд туғилиши муносабати билан бир марталик нафақани оила ҳам давлатдан, ҳам иш берувчидан олиши мумкин. Тўлов шартлари ҳақида buxgalter.uz шарҳида ўқинг:
Мутахассисларнинг зарур тушунтиришларини ўтказиб юбормаслик учун Телеграм-каналимизга обуна бўлинг.
1. Давлатдан бир марталик нафақа
Уни тўлаш тартибини алоҳида Маъмурий регламент тартибга солади.
Нафақа беришга масъул бўлган «Халқ банки» янги туғилган чақалоқ ҳақидаги маълумотларни ФҲДЁ органлари томонидан туғилишни рўйхатга олишда олади. Шунинг учун туғилганлик ҳақидаги гувоҳнома расмийлаштирилгандан сўнг дарҳол «Халқ банки»нинг исталган филиалига – бола туғилган кундан бошлаб 1 ой ичида мурожаат қилиш мумкин.
Нафақа мурожаат қилинган куни тўланади ва МҲЭКМнинг 70,3%ни ташкил қилади (1 155 000 сўм х 70,3% = 811 965 сўм) 
.
2024 йил апрелидан бошлаб бир марталик нафақа фақат биринчи фарзанд учун берилади . Иккинчи фарзанд учун у фақат иккинчи фарзанд туғилган пайтда Ижтимоий ҳимоя ягона реестрига киритилган оналарга тайинланади. Учинчи ва кейинги фарзандлар учун нафақа назарда тутилмаган.
Суюнчи жисмоний шахснинг жами даромадига киритилмайди ва шу сабабли, солиққа тортилмайди .
2. Иш берувчидан «мукофот»
Фарзанд туғилиши муносабати билан иш берувчи томонидан бериладиган моддий ёрдам «бошқа» даромадларга киради ва солиқ даври учун МҲЭКМнинг 4,22 бараваригача бўлган суммада солиққа тортилмайди (нашр кунида бу 4,22 х 1 155 000 сўм = 4 874 100 сўм).
Эътибор беринг
Иш берувчи кўрсатилган суммадан ортиқча ҳам моддий ёрдам бера олади, лекин фақат 4,22 МҲЭКМнинг 4,22 бараварига тенг қисми ЖШДС билан солиққа тортилмайди. Туғилган болалар сони аҳамиятга эга эмас. Моддий ёрдам янги туғилган чақалоқнинг ҳам онасига, ҳам отасига кўрсатилиши мумкин.
Саида ЖАНИЗАКОВА тайёрлади
