Получите быстрые ответы, проверенные экспертами:
«Корхона ускунани Ўзбекистонга етказиб бериш юзасидан чет эл контрагенти билан шартнома тузди. Ускунани монтаж қилиш ва созлашни ўз кучимиз билан бажардик. Солиқ органлари текширув чоғида норезидентнинг монтаж қилиш ва ўрнатиш бўйича хизматлари қийматидан солиқ ҳисоблашади, деб эшитдик. Солиқ органларининг бундай талқин қилиши қонунийми?».
Саволга buxgalter.uz илтимосига биноан «Норма» эксперти Олег ЦОЙ жавоб берди:
Эътибор беринг
Экспертнинг тушунтиришини ўтказиб юбормаслик учун Телеграм-каналимизга обуна бўлинг.
– Ушбу вазиятда бир вақтнинг ўзида иккита шартга риоя қилинган тақдирда солиқ оқибатлари юзага келмайди:
- корхона ускунани монтаж қилишни ўз кучи билан ва (ёки) маҳаллий ташкилотларни жалб қилган ҳолда бажарди;
- чет эллик етказиб берувчининг вакиллари ускунани монтаж қилиш, ўрнатиш ёки ишга тушириш ва созлаш даврида Ўзбекистонда бўлмаган.
Лекин ускуна (қурилмалар, механизмлар, комплектлаштирувчи буюмлар ва эҳтиёт қисмлар)ни харид қилишга доир импорт контракти шартларига кўра етказиб берувчи монтаж (ишга тушириш ва созлаш) ишларини бажармайдиган ва кадрларни ўргатиш бўйича хизматлар ҳамда бошқа шунга ўхшаш хизматларни кўрсатмайдиган вазиятнинг ҳам эҳтимоли бор. Бироқ ҳақиқатда улар норезидент томонидан ёки унинг вакиллари иштирокида бажарилади (кўрсатилади).
Бу ҳолда норезидентнинг солиқ солинадиган даромади ишлар (хизматлар)нинг бозор қийматидан келиб чиқиб аниқланади 
. Ушбу қийматдан солиқлар ҳисобланади.
Эътибор беринг
Корхонангиз ходимлари ёки жалб қилинган маҳаллий ташкилот томонидан монтаж (ишга тушириш ва созлаш) ишлари бажарилганлигини ҳужжат билан тасдиқлашга алоҳида эътибор бериш лозим.
Бундан ташқари, солиқ органлари чет эллик етказиб берувчи вакилларининг ускунани монтаж қилиш, ўрнатиш ёки ишга тушириш ва созлаш, кадрларни ўргатиш бўйича хизматлар ва бошқа шунга ўхшаш хизматлар кўрсатиш даврида Ўзбекистон ҳудудида ҳақиқатда ҳозир бўлган фактларни аниқлаши мумкин.
Бу ҳолда сизда норезидент томонидан Ўзбекистон ҳудудида ишларнинг бажарилиши (хизматлар кўрсатилиши) муносабати билан ҚҚС ва фойда солиғи бўйича солиқ оқибатлари юзага келади.
Бу ҳақда батафсил тавсияда ўқинг:
Қўшимча тушунтиришлар:
