Ускунани ҳисобдан чиқаришда лицензия бўйича ҚҚСга тузатиш киритиш мумкинми

“Корхона, солиқ агенти сифатида, лицензияни сотиб олишда импорт учун ҚҚС тўлади. Ушбу ҚҚСни ҳисобга олдик. Лицензиялар махсус ускунага сотиб олинган, шу боис уларни сотиб олиш харажатлари унинг бошланғич қийматига киритилган. 2 йилдан сўнг мазкур ускуна ҳисобдан чиқарилади. Илгари ҳисобга олинган, солиқ агенти томонидан тўланган ҚҚСга СКнинг 269-моддасига мувофиқ тузатиш киритиш лозимми?”. 

Buxgalter.uz илтимосига биноан саволга “Assistance In Tax” солиқ маслаҳатчилари ташкилоти директори Радмила КАРИМОВА жавоб берди:

– Йўқ, асосий воситани ҳисобдан чиқаришда уни сотиб олишда ҳисобга олишга қабул қилинган ҚҚСга тузатиш киритилмайди.

СКнинг 269-моддасида ҳисобга олиш суммасига тузатиш киритиш учун бундай асос назарда тутилмаган.

Сизга қуйидаги тавсиялар асқотиши мумкин:

• Қачон ҚҚСни ҳисобга олиш мумкин;
• Мажбуриятларни ҳисобдан чиқаришда ҚҚС бўйича киритиладиган тузатишлар.

Саида ЖОНИЗОҚОВА тайёрлади