Полезное для бухгалтера в ноябре:
Вазирлар Маҳкамаси томонидан маҳаллий хўжалик шартномалари доирасида юзага келадиган форс-мажор ҳолатларини тасдиқлаш тартиби тасдиқланди (07.06.2023 йилдаги 231-сон ВМҚ).
Хўжалик юритувчи субъектлар бундай вазиятда Савдо-саноат палатаси раисининг электрон рақамли имзоси билан тасдиқланган QR-код билан сертификат олишлари мумкин.
Батафсил – buxgalter.uz шарҳида.
Эътибор беринг
Барча тушунтиришларни тезкор тарзда олиш учун бизнинг ТГ-каналимизга обуна бўлинг!
Сертификатни олиш учун:
1. Ариза берувчи Савдо-саноат палатасига бевосита ёки унинг сайти орқали мурожаат қилади.
2. Палата тақдим этилган ҳужжатларни 1 иш куни ичида кўриб чиқади.
3. Қўшимча маълумотлар талаб қилинса, ариза берувчига бу ҳақда 10 кун ичида сўров юборилади.
4. Ҳолатни форс-мажор ҳолат деб тан олиш (тан олмаслик) тўғрисидаги қарор 15 кунлик муддатда қабул қилинади.
5. Агар ҳолат форс-мажор ҳолат деб тан олинмаса, ариза берувчи рад этиш асослантирилган хат олади.
6. Агар форс-мажор тасдиқланса, ариза берувчи бу ҳақда 1 кун ичида хабарнома олади, унинг сертификати эса ССПнинг расмий сайтида эълон қилинади.
Эътибор беринг
Тасдиқланган тартиб ташқи савдо битимлари ва халқаро шартномалар шартлари доирасида юзага келадиган форс-мажор ҳолатларга нисбатан татбиқ этилмайди.Сертификат:
- муддатсиз даврга берилади;
- бир марталик хусусиятга эга;
- фақат аризада кўрсатилган шартномавий муносабатларга нисбатан татбиқ этилади.
Ҳужжат 08.08.2023 йилдан кучга киради.
Саида ЖОНИЗОҚОВА тайёрлади
