Хизматлар импортида ҚҚС бўйича ҳисоботда имтиёзингиз бўлмаса, нима қилиш керак

Кўплаб имтиёзлардан 29 – Хорижий шахслардан олинган товарлар (хизматлар) бўйича ҚҚСни ҳисоблаш коди бўйича ҳисоботда ҳозир битта имтиёз – молиявий хизматлар учун 996 коди билан акс эттирилади.

Бошқа асосларга кўра имтиёзга эга бўлган солиқ тўловчилар нима қилиши кераклигини buxgalter.uz сўрови бўйича солиқ маслаҳатчиси Гулнора ЭРГАШЕВА тушунтириб берди:

– 29-код билан ҚҚС ҳисоботида (хизматлар импорти) – «Хорижий шахслардан олинган хизматлар ҳақидаги маълумот»да «Солиқ кодекси ва қонунчиликка мувофиқ имтиёзлар» устунида  – 996 кодли (молиявий хизматлар) битта имтиёз қолди.

Бошқа асосларга кўра имтиёз қўллайдиган солиқ тўловчилар нима қилишлари керак?

Биз 1198 телефони орқали Солиқ қўмитасига мурожаат қилдик, у ерда сизга бошқа имтиёзларни қўшиш учун ҚҚС бўйича ариза (my3.soliq.uz сайтида «Солиқ имтиёзларидан фойдаланиш тўғрисида мурожаат» хизмати) қолдириш керак, деб жавоб беришди.

Мазкур вазиятда IT -парк резидентларига алоҳида эътибор зарур. ПФ-5099-сон Фармонга мувофиқ имтиёз бўйича улар учун муайян преференциялар сақланиб қолади.

Юлия ТАРШИЛОВА тайёрлади