Ўзбекистонда ГМО ва трансёғлар қандай чекланади

Ген-модификацияланган организмларни (ГМО) ўз ичига олган озиқ-овқат маҳсулотлари, уларни ишлаб чиқариш учун хомашё ва трансёғлар, шу жумладан техник пальма ёғи мажбурий рақамли маркировкаланиши лозим бўлган маҳсулотлар рўйхатига киритилиши мумкин.

Озиқ-овқат маҳсулотларини ишлаб чиқаришда ГМО, хомашё ва трансёғлардан фойдаланишни тақиқлаш чора-тадбирлари тўғрисидаги ВМҚ лойиҳаси ҚҲТБТда 1 ноябрга қадар муҳокама қилинади.

Тафсилотлар – buxgalter.uz шарҳида:

Ҳужжат қуйидагиларни назарда тутади:

• таркибида ГМО ва трансёғлар, шу жумладан техник пальма ёғи бўлган, республикага олиб кириладиган ва сотиладиган озиқ-овқат маҳсулотлари устидан қатъий давлат назоратини ўрнатиш;
• бундай маҳсулотларни импорт қилиш ва ишлаб чиқаришни тақиқлаш ва чеклаш чоралари;
• таркибида бундай компонентлар бўлган озиқ-овқат маҳсулотларини мажбурий рақамли маркировкаланиши лозим бўлган товарлар рўйхатига киритиш;
• Ген-модификацияланган организмлар (ГМО) ва хомашё, трансёғлар билан ифлосланиш хавфи юқори бўлган озиқ-овқат маҳсулотларини назорат харидлари;
• таркибида ГМО ва ГМО учун хомашё, трансёғлар, шу жумладан техник пальма ёғи бўлган озиқ-овқат маҳсулотларини истеъмол қилишни тақиқлаш ёки рухсат этилган меъёрларни белгилаш.

Лойиҳага овоз бериш ва у бўйича ўз фикр-мулоҳазаларингизни бу ерда қолдиришингиз мумкин > > >

Buxgalter.uz тавсия қилади:

 

• Назорат хариди қандай амалга оширилади;
• Сайёр текширувда томонлар қандай ҳуқуқ ва мажбуриятларга эга;
• Умумий овқатланиш корхонасида маҳсулотлар (хомашё) ва товарларни қандай ҳисобга олинади;
• Умумий овқатланиш корхоналари фаолиятининг ҳуқуқий асослари.