DIDOX.UZ хизматида «гибрид ҳисобварақ-фактура»ни қандай яратиш мумкин

18.03.2025 йилдаги 168-сон ВМҚга мувофиқ товар-моддий қимматликларни юклаб жўнатиш билан реализация қилишда электрон ҳисобварақ-фактура электрон товар-транспорт юк хати билан бирлаштирилган ҳолда расмийлаштирилиши мумкин.

DIDOX хизматида бундай шакл «Гибрид ҳисобварақ-фактура» деб номланади. Уни қандай тўлдириш ва юборишни кўриб чиқамиз:

 

ЭҲФ ва ТТЮни бирлаштирилган шаклда тўлдиришнинг ўзига хос хусусиятлари Ҳисобварақ-фактураларнинг шакллари ва уларни тўлдириш, тақдим этиш ва қабул қилиш тартиби тўғрисидаги низомнинг 3.2-боби билан тартибга солинади. Тасдиқланган шакл қуйидагича:

Didoxда «Гибрид ҳисобварақ-фактура» ҳужжатини яратиш учун:

1. «+Яратиш» сариқ тугмасини босинг.

2. «Гибрид ҳисобварақ-фактура» ҳужжат турини танланг (сервисда – «гибрид», таҳририят изоҳи):

 

3. Мажбурий майдонларни (юлдузча билан белгиланган*) ва «Ҳамкор маълумотлари»ни тўлдиринг. СТИРни киритишда маълумотлар автоматик равишда тўлдирилади.

 

Савол белгиси қўйилганда, тизим «Экспедитор», «Юк ташувчи», «Мижоз» ва «Буюртмачи» қаторларини тўлдириш бўйича кўрсатмалар беради. Масалан:

• «Экспедитор – юк жўнатувчи ёки юк қабул қилувчи ёки экспедиторлик хизматини кўрсатувчи ташкилот.»

Транспорт тури – «автомобиль»сатрини танлаш мумкин. Бунда транспорт воситасининг давлат рақами кўрсатилади, маълумотлар юк ташувчи ҳисобида қайси транспорт воситаси турганлигига қараб автоматик тарзда тўлдирилади. Агар ярим тиркама ёки тиркама ишлатилса, тегишли маълумотларни кўрсатинг:

Агар транспортнинг бошқа эгаси бўлса, «Бошқа эгалари» белгисини қўйинг ва унинг СТИР/ЖШШИРини тўлдиринг. Ном автоматик равишда тўлдирилади. Бир нечта эгаларини кўрсатиш мумкин.

 

Ҳайдовчи – тўлдириш мажбурий бўлган майдон. Бу ерга юк ташийдиган ҳайдовчининг маълумотлари киритилади. Агар ҳайдовчи юкни етказиб берувчи масъул шахс бўлса, буни белгилаб қўйинг:

 

DIDOX изоҳи: юкни етказиб берувчи масъул шахс – товарни қабул қилиш, кузатиб бориш ва топшириш операцияларини амалга оширувчи шахс (юк жўнатувчидан кейин товар-транспорт юкхатини имзолайдиган томон).

 

4. Кейин юклаш ва етказиб бериш манзилларини тўлдиринг. «Вилоят» ва «Туман» очилувчи рўйхатларидан кераклисини танланг. «Манзил» мажбурий майдони қўлда тўлдирилади.

 

«Менинг манзилларим» катакчаси орқали «Янги манзил қўшиш» тугмасини босиб, тез-тез ишлатиладиган манзилларни қўшиш мумкин.

5. «Ишончнома» бўлимида – очиладиган рўйхатдан фойдаланиладиган ишончномани танланг:

6. Сўнгра шаклнинг жадвал қисмини тўлдиринг. «+» ва «Корзина» тугмалари ёрдамида позицияларни қўшиш ёки олиб ташлаш мумкин.

7. «Умумий масофа» ва «Етказиб бериш (сўмда)» мажбурий майдонларини кўрсатинг. Агар масофа номаълум бўлса, «0» белгисини қўйинг.

8. Товарларнинг «Брутто» ва «Нетто»сини кўрсатинг.

9. Ҳужжатни «Ҳужжатни кўрсатиш» тугмаси орқали кўриш мумкин. Ҳужжат «имзоланганда», «гибрид ҳисобварақ-фактура» роуминг марказига ўтади, «сақланганда» – қораламаларда сақланади.