Вам могут понадобиться в апреле:
25 декабрь куни Президент томонидан “2021 йил учун Ўзбекистон Республикасининг Давлат бюджети тўғрисида”ги Қонун имзоланди. Buxgalter.uz солиқ тўловчилар учун энг муҳим жиҳатларини ажратди:
1. 2021 йил 1 январдан бошлаб пандемия туфайли жорий этилган солиқ солиш бўйича “инқирозга қарши” имтиёзларнинг амал қилиши тўхтатилади 
.
2. ДСҚ ва ДБҚ ҳар чоракда ўзларининг вебсайтларида қуйидагиларни жойлаштиради :
- долзарб солиқ ва божхона имтиёзлари рўйхати;
- “солиқ тўловчилар кесимида” имтиёзлар тўғрисида маълумотлар. Ушбу “кесим” нимани назарда тутишини - кўрамиз;
- аниқланган ҳуқуқбузарликлар тўғрисида ҳисобот.
3. Алкоголли маҳсулотларни чакана сотиш ҳуқуқи учун йиғимларнинг чегараланган ставкалари камайтирилди:
- Нукус шаҳрида ва вилоятлар марказларида - 16%га;
- бошқа шаҳарларда - 25%га;
- бошқа аҳоли пунктларида - 50%га.
Тошкент шаҳрида чегараланган ставкалар 2020 йил даражасида сақланиб қолади . Бу ҳақда батафсил - бу ерда ўқинг.
4. Мол-мулкни (кўчмас мулк ва автомобиллар) ижарага беришдан олинган даромадлар бўйича ЖШДСнинг энг кам ставкалари ўртача 15%га индексация қилинди. Батафсил - бу ерда.
5. Автотранспорт йиғимлари 2021 йилда ўзгаришсиз қолади. Гап қуйидагилар учун йиғимлар ва тўловлар ҳақида бормоқда :
- хорижий давлатлар автотранспорт воситаларининг Ўзбекистон ҳудудига кириши ва ҳудудида транзит харакатланиши учун;
- автотранспорт воситаларини сотиб олганлик ва (ёки) вақтинчалик олиб кирганлик учун (йиғим ИИВ органларида рўйхатдан ўтказишда тўланади).
Саида ЖОНИЗОҚОВА
