Марказий банк Бошқарувининг 27.12.2003 й. 32/8-сон "Ўзбекистон Республикаси Марказий банки томонидан тижорат банклари ва уларнинг филиаллари раҳбарлари ҳамда бош бухгалтерлари лавозимларига тавсия этилаётган номзодларга нисбатан малака талаблари қўйиш тартиби тўғрисидаги низомга 2-сон қўшимчани тасдиқлаш ҳақида"ги Қарори (АВ томонидан 14.01.2004 й. 1204-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.01.2004 й.

N 1204-2

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

27.12.2003 й.

N 32/8

ҚАРОРИ

Ўзбекистон Республикаси Марказий банки томонидан

тижорат банклари ва уларнинг филиаллари раҳбарлари

ҳамда бош бухгалтерлари лавозимларига тавсия этилаётган

номзодларга нисбатан малака талаблари қўйиш тартиби

тўғрисидаги низомга 2-сон қўшимчани тасдиқлаш ҳақида

2004 йил 24 январдан кучга киради

"Ўзбекистон Республикаси Марказий банки томонидан тижорат банклари ва уларнинг филиаллари раҳбарлари ҳамда бош бухгалтерлари лавозимларига тавсия этилаётган номзодларга нисбатан малака талаблари қўйиш тартиби тўғрисида"ги низомга 2-сон қўшимча лойиҳасини кўриб чиқиб ва муҳокама қилиб, Бошқарув ҚАРОР ҚИЛАДИ:

1. Ўзбекистон Республикаси Адлия вазирлигида 2003 йил 22 январда 1204-сон билан давлат рўйхатидан ўтказилган "Ўзбекистон Республикаси Марказий банки томонидан тижорат банклари ва уларнинг филиаллари раҳбарлари ҳамда бош бухгалтерлари лавозимларига тавсия этилаётган номзодларга нисбатан малака талаблари қўйиш тартиби тўғрисида"ги низомга 2-сон қўшимча иловага мувофиқ тасдиқлансин.

2. Ушбу қарор Адлия вазирлигида давлат рўйхатидан ўтказилгандан сўнг, 10 кундан кейин кучга киритилсин.

Марказий банк Бошқаруви

раиси вазифасини бажарувчи                                       М. Жумагалдиев

Марказий банк Бошқарувининг

2003 йил 27 декабрдаги

32/8-сонли қарори билан

ТАСДИҚЛАНГАН

Ўзбекистон Республикаси Марказий банки томонидан

тижорат банклари ва уларнинг филиаллари раҳбарлари

ҳамда бош бухгалтерлари лавозимларига тавсия

этилаётган номзодларга нисбатан малака талаблари

қўйиш тартиби тўғрисидаги низомга

2-СОН ҚЎШИМЧА

5-банд қуйидаги таҳрирдаги хатбоши билан тўлдирилсин:

"Алоҳида ҳолларда, тижорат банки Бошқаруви тавсияси асосида банкларнинг туман филиаллари бош бухгалтерлари лавозимларига иқтисодий ўрта махсус маълумотга эга бўлган номзодларни маълумоти бўйича Комиссия қарор қабул қилиш ҳуқуқига эга."

"Ўзбекистон Республикаси қонун ҳужжатлари тўплами", 2004 йил, 1-2-сон, 26-модда.