Прочтите, если выплачиваете доходы нерезидентам, не связанные с ПУ:
2021 йил майдан бошлаб ҚҚС ҳисоб-китобида ҳисобварақ-фактуралар маълумотлари асосида имтиёзларни автоматик тарзда акс эттириш жорий этилган. Чораклик асосда ҚҚС тўловчилар Ҳисоб-китобда автоматик тарзда экс эттирилмайдиган 2021 йил апрель учун маълумотлар билан нима қилишлари зарур? Муаммонинг ечимини buxgalter.uz илтимосига биноан солиқ маслаҳатчиси Гульнара ЭРГАШЕВА кўрсатиб берди:
- Солиқ тўловчиларнинг ушбу тоифаси ҳали имтиёзларни автоматик тарзда акс эттириш тизими ишламаган вақтда апрель учун маълумотлар ҚҚС ҳисоб-китобига 1-иловага ўтказилишига дуч келишган.
Ушбу вазиятни ҳал қилишнинг иккита йўли бор.
“Yangi texnologiyalar” ИАМ мутахассислари 2021 йил апрель учун имтиёзли айланмалар бўйича барча ҳисобварақ-фактураларга тузатиш киритиладиган ҳисобварақ-фактуралар тақдим этишни таклиф этишмоқда. Бунда тақдим этиладиган ҳисобварақ-фактураларда имтиёзни кўрсатиш зарур.
Мен, ушбу вариант мураккаб деб ҳисоблайман, айниқса - кўп ҳисобварақ-фактураларни расмийлаштирувчи корхоналар учун. Шу боис бошқа ечимни таклиф этаман.
Ҳисоб-китоб тўғри бўлиши учун, 010821- “01021 сатрда кўрсатилмаган солиқ солинмайдиган айланмалар” сатридан фойдаланинг. Унда 2021 йил апрель учун ҚҚСдан озод этиладиган айланмани акс эттириш зарур.
Шундан кейин дастур уни май ва июнь учун ҳисобварақ-фактуралар маълумотлари бўйича Ҳисоб-китобга киритилган имтиёзли айланмага қўшади. Шу тариқа, барча ҳисоб-китоблар тўғри амалга оширилади.
Қандай йўл тутишни - солиқ тўловчи ҳал қилади.
