Узум етиштирувчилар ва виночилар учун имтиёз ва преференциялар

7 июль куни Президент узумни шпалер усулида етиштирувчи фермерлар ва винони экспорт қилувчилар учун имтиёзларни эълон қилди. Батафсил - buxgalter.uz шарҳида:

Хусусан, қуйидагилар режалаштирилмоқда:

• Ўзбекистоннинг 44 та туманида янги экспортбоп узум плантациялари ташкил этиш, узумни қайта ишлаш ва тайёр маҳсулотга айлантиришнинг тўлиқ циклини яратиш учун виночилик кластерлари ташкил этиш;
• виночилик кластерларига узумни қайта ишлаш, майиз қуритиш ва қадоқлаш ускуналарини сотиб олиш учун имтиёзлар бериш;
• табиий виноларга нисбатан акциз солиғини бекор қилиш;
• сертификатланган янги узум плантацияларининг ҳар бир гектарига 10 млн сўмдан субсидия бериш;
• шпалер ўрнатиш харажатларининг 30%гача қисмини бюджетдан қоплаш;
• узумчиликда қўлланиладиган асбоб-ускуналар ва техникаларни божхона тўловларидан озод этиш;
• етиштирилган ҳосил 30%игача экспорт қилинса, даромад ва мулк солиқларини 30%га, экспорт 30%дан ошса, 2 бараварга камайтириш;
• экспорт қилинган ҳар бир литр табиий вино учун, 5 минг сўм субсидия ажратиш.

Йиғилиш чоғида давлатимиз раҳбари узумчиликни ривожлантиришга йўналтирилган бошқа чора-тадбирларни ҳам муҳокама қилди. Манбага қаранг.

Саида ЖОНИЗОҚОВА тайёрлади