My.gov.uz сайтидаги шахсий кабинетингизда «бегоналар»: улардан қандай қутулиш мумкин

My.gov.uz ягона интерактив давлат хизматлари портали – кўп жиҳатдан қулай воситадир. Лекин агар порталда «ўз ҳудудингизни» вақти-вақти билан текширмасангиз, у ноёб сюрприз ҳам қилиши мумкин. Рақамлаштиришнинг дастлабки босқичларининг камчиликлари, деб айтиш мумкин…

Ҳозир қанчалик кулгили эшитилса ҳам, лекин ушбу мақола муаллифи ўз оиласи таркибида 17 киши (ҳақиқатда учта ўрнига) топди, жумладан — 3 «она» ва 7 амалдаги «эр» (ва битта ҳам ажрашув йўқ). Бундай «кенгайтирилган» оила таркиби Soliq мобил дастуридаги «ота-оналар учун солиқ тўлаш» хизматида мол-мулк солиғи қарзи кутилмаганда қаердан пайдо бўлганини тушунишга уриниш вақтида аниқланди.

Buxgalter.uz нимани ва қаерда текшириш керак ва «бегоналар» билан нима қилиш мумкинлигини тушунтиради:

 

Аввал — ЯИДХП (my.gov.uz)да рўйхатдан ўтамиз, агар илгари буни амалга оширмаган бўлсак албатта.

 

Рўйхатдан ўтгандан сўнг логин ва пароль орқали шахсий кабинетга кирамиз:

 

«Умумий маълумотлар»да («Менинг оилам» кичик бўлими) сизни сюрпризлар кутиши мумкин.

 

Агар шахсий кабинетингизда «ортиқча жонлар»ни топган бўлсангиз:

1) «Маълумотларни тўғирлаш бўйича ариза бериш» тугмасини босинг ва кейин – «Хизмат олиш»:

 

2) автоматик тўлдирилган сатрлардаги маълумотларингизни текширинг ва кейинги босқичга ўтинг:

 

3) энди расмда кўрсатилганидек барча «бегона»ларни қизил тугма билан ўчирамиз ва керакли кишиларни қолдирамиз:

 

4) рўйхатни таҳрирлагандан сўнг пастки қисмида «Юбориш»ни босамиз:

 

5) кейин маълумотларни текшириш ҳақида ахборот чиқади:

 

Агар ҳамма нарса тўғри бўлса, пастки қисмида яна бир бор «Юбориш»ни босинг:

 

Шундан кейин ариза ҳақида маълумот шаклланади:

 

6) агар чалғиб кетиб, керак бўлмаган кишини ўчирганлигингизни аниқласангиз, ушбу босқичда аризани бекор қилиш ва маълумотларни қайтадан киритиш мумкин:

 

Юборгандан сўнг панелнинг юқори қисмида ушбу юборилган аризанинг рақами акс этади. Фақат унинг ижросини ва барча ортиқча маълумотларнинг якуний ўчирилишини кузатиб туриш қолади!

 

 

My.gov сайтида кўрсатилганидек, хизмат кўрсатиш муддати 1 иш кунини ташкил этади. Ростини айтганда, муаллифга кутишга кўпроқ вақт кетди, муддатга унчалик риоя қилинмаяпти.

 

Йўқ ота-она учун қарздорликни қандай олиб ташлаш мумкин

Солиқ идорасида «бегоналар учун» қарздорликни тузатишнинг иложи йўқ, ходимлар барча маълумотлар давлат хизматлари портали ва кейин ФҲДЁ органлари орқали узатилишини хабар беришади.

Шунинг учун муаллиф қўшимча равишда яшаш жойи бўйича ФҲДЁга мурожаат қилди, далиллаш сифатида «17-шакл»ни олиб келди. Шундан кейин солиқ қарзи йўқолди.

Хулоса шундай: барча «кабинет»ларингизни ва улардаги шахсий маълумотларингизни ҳамма нарсани ўз вақтида тўғирлаш учун вақти-вақти билан текшириб туриш керак.

 

Юлия ТАРШИЛОВА