Получите быстрые ответы, проверенные экспертами:
25.12.2025 йилдаги «2026 йил учун Давлат бюджети тўғрисида»ги ЎРҚ-1105-сонли Қонун билан кўчмас мулк ва автотранспорт воситаларини ижарага беришда ижара тўловининг энг кам ставкалари тасдиқланди. Ставкалар ошган бўлса-да, бу фақат асосий кўрсаткичлардир: солиқ солиш мақсадлари учун ҳақиқий сумма халқ депутатлари Кенгашлари белгилашга ваколатли бўлган оширувчи коэффициентларни инобатга олган ҳолда юқорироқ бўлиши мумкин.
2026 йилда энг кам ижара ставкалари қандай ўзгариши ва уларни қўллаш қоидалари ҳақида buxgalter.uz шарҳида:
Қонунчиликдаги муҳим ўзгаришларни ўтказиб юбормаслик учун бизнинг Телеграм каналимизга обуна бўлинг.
Давлат бюджети тўғрисидаги Қонунда белгиланган 2026 йил учун ижара тўловининг энг кам ставкалари
Кўчмас мулк (ойига, 1 кв. м учун сўмда):
|
Тошкент |
Нукус ва вилоят марказлари |
Бошқа аҳоли пунктлари |
|
|
Турар жой |
30 000 |
14 500 |
5 900 |
|
Нотурар жой |
48 000 |
28 400 |
11 800 |
Транспорт воситалари (ойига, 1 та автомобиль учун сўмда):
|
Енгил автомобиллар |
918 000 |
|
Микроавтобуслар, автобуслар ва юк машиналари |
1 824 000 |
Энг кам ставкаларга оширувчи коэффициентлар
Эслатиб ўтамиз: 2025 йилдан бошлаб Қорақалпоғистон Республикаси Жўқорғи Кенгеси, вилоятлар халқ депутатлари Кенгашлари туманлар ва шаҳарларнинг иқтисодий ривожланиш даражасидан келиб чиқиб, турар ва нотурар жойлар бўйича ижара тўловининг энг кам ставкаларига 2,0 гача оширувчи коэффициентни жорий этишга ҳақли. Ушбу тартиб 2026 йил учун ҳам сақлаб қолинган (25.12.2025 й. ЎРҚ-1105-сон 12-м.).
Тошкентда коэффициентни ер солиғини ҳисоблаш мақсадида белгиланган зоналар бўйича халқ депутатлари Кенгаши белгилайди.
Кенгашларга қуйидаги ваколатлар ҳам берилган:
- фаолият турлари ва объектлар бўйича кўчмас мулк ставкаларига оширувчи коэффициентларни табақалаштириш
; - оммавий дам олиш ва туризмга ихтисослашган айрим ҳудудлардаги жисмоний шахслар учун ставкаларга Тошкент даражасигача оширувчи коэффициентларни жорий этиш (25.12.2025 й. ЎРҚ-1105-сон 12-м.).
Ижара шартномасида қандай сумма кўрсатилиши керак
Ижарага берувчи шартномада томонлар келишувига кўра исталган суммани кўрсатишга ҳақли. Бироқ, агар ижара учун шартномавий сумма оширувчи коэффициентларни ҳисобга олган ҳолда энг кам ставкалар бўйича ҳисобланган суммадан паст бўлса, солиқ солиш мақсадлари учун солиқ базасини (жисмоний шахслардан олинадиган даромад солиғи, фойда солиғи, айланмадан олинадиган солиқ бўйича) оширувчи коэффициентларни ҳисобга олган ҳолда энг кам ставкалар бўйича ҳисоблаш лозим.
Ижара шартномаси бепул бўлса
Энг кам ставкаларни ҳисобга олган ҳолда солиқ солиш тартиби текин фойдаланиш (ссуда) шартномаларига ҳам татбиқ этилади. Фақат яқин қариндошлар ўртасида тузилган шартномалар бундан мустасно (25.12.2025 йилдаги ЎРҚ-1105-сонли қонунга 8-иловага изоҳ).
