Полезное для бухгалтера в декабре:
Янги йил байрами кунлари 30 декабрдан 2 январга қадар давом этади. 5 кунлик иш ҳафтасида ишлайдиганлар эса 6 январь шанба куни ишлаб беришлари керак бўлади.
Президентнинг “2024 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги Фармони (22.12.2023 й. ПФ-213-сон) қабул қилинди.
Муҳим янгиликларни ўтказиб юбормаслик учун бизнинг телеграм-каналимизга обуна бўлинг.
Янги йил учун ишланмайдиган байрам кунлари рўйхати ўзгаришсиз қолдирилди.
2024 йилда қуйидаги қўшимча дам олиш кунлари белгиланди.
Иш ҳафтасининг туридан қатъи назар, барча ходимлар учун:
- 22 март – жума;
- 11 апрель – пайшанба;
- 18 июнь – сешанба;
- 3 сентябрь – сешанба;
- 31 декабрь – сешанба.
6 кунлик иш ҳафтасида ишлайдиганлар учун:
- 2 январь – сешанба;
- 23 март – шанба;
- 12 апрель – жума;
- 31 август – шанба;
- 30 декабрь – душанба.
5 кунлик иш ҳафтасида ишлайдиганлар учун дам олиш кунларини кўчириш
5 кунлик иш ҳафтасида ишлайдиганлар учун дам олиш кунлари қуйидаги тартибда кўчирилади:
- 6 январь шанба кунидан 2 январь сешанба кунига;
- 13 апрель шанба кунидан 12 апрель жума кунига;
- 14 декабрь шанба кунидан 30 декабрь душанба кунига.
Ушбу шанба кунлари иш кунлари бўлади.
Kadrovik.uzда 2024 йил учун иш вақти календари эълон қилинган.
❖
Яқин орада kadrovik.uzда Ўзбекистонда 2024 йилда қандай дам олишимиз ҳақида Камбағалликни қисқартириш ва бандлик вазирлиги мутахассисининг батафсил тушунтиришлари пайдо бўлади.
