12-moliya шакли бўйича ҳисобот топширишнинг сўнгги муддати 19 июнга кўчирилади

Статистика агентлиги сайтида эълон қилинган ҳисоботлар календарига асосан 2024 йилнинг июнь ойида баъзи корхоналарда 12-moliya шакли бўйича ҳисобот топшириш мажбурияти мавжуд.

12-moliya шакли – бу «Ташкилотнинг молиявий ҳолати тўғрисидаги ҳисобот». У ҳисобот давридан кейинги ойнинг 18-санасидан кечиктирмай топширилади. 2024 йилда 16 июндан 18 июнга қадар Қурбон Ҳайит байрами нишонланиши муносабати билан ҳисобот топширишнинг сўнгги куни 19 июнга кўчирилади  .

Ҳисоботни қуйидагилар топширади:

– юридик шахслар – тижорат ташкилотлари (кичик корхоналар ва микрофирмалар, фермер хўжаликлари, банклар ва суғурта ташкилотларидан ташқари);

– юридик шахслар – тижорат ташкилотларининг алоҳида бўлинмалари.

Ташкилотингиз яна қандай статистика ҳисоботларини топшириши кераклигини аниқлаш учун қадамма-қадам йўриқномамиздан фойдаланинг.

Саида ЖОНИЗОҚОВА тайёрлади