Экспертлар томонидан тасдиқланган жавобларни олинг:
Didox хизматида «гибрид ҳисобварақ-фактура»ни қандай яратиш мумкинлиги ҳақида мақола эълон қилинганидан сўнг, ўқувчи «гибрид» унда ажойиб тарзда «чиқиб кетаётгани», олувчи эса уни олмаётганидан шикоят қилди».
Биз ушбу саволни Didox ходимларига бердик ва жавоб олдик:
Керакли тушунтиришни ўтказиб юбормаслик учун бизнинг Телеграм-каналимизга обуна бўлинг.
– Қандай сабабларга кўра «гибрид ЭҲФ-ЭТТЮХ» юкни олувчига етиб бормаслиги мумкин?
– Агар ушбу ҳужжатни имзолашнинг назарда тутилган тартиб-таомилига аниқ риоя қилинмаса, шундай бўлиши мумкин.
Юкни олувчи ЭТТЮХ билан бирлаштирилган шаклда расмийлаштирилган электрон ҳисобварақ-фактурани олиши ва имзолаши учун аввало ҳужжатга юкни етказиб берувчи масъул шахснинг ЭРИси ёрдамида имзо қўйиши керак. Бу – ҳужжатда кўрсатилган, товарни қабул қилиш, кузатиб бориш ва топшириш операцияларини амалга оширувчи шахс.
Ҳаракатлар кетма-кетлиги 489-сон ВМҚга 2-илованинг 61-1-бандида аниқ кўрсатилган:
1. Товар-моддий бойликларни юклаб жўнатиш билан бир вақтда реализация қилишда юкни жўнатувчи бирлаштирилган ЭҲФ-ЭТТЮХни шакллантиради ва уни ўзининг ЭРИси билан имзолайди.
2. ЭҲА тизими ҳужжатга QR-код беради ва уни бошқа иштирокчиларга – расмийлаштирилган электрон ҳисобварақ-фактурани уларнинг шахсий кабинетларида акс эттирган ҳолда юборади.
3. Юкни етказиб берувчи масъул шахс ҳужжатни шахсий кабинетда кўради ва уни ўзининг ЭРИси билан қабул қилинганлиги ва етказиб берилганлигини тасдиқлаб имзолайди.
Шундан кейингина юкни олувчи юкни қабул қилиш жараёнида ЭРИ ёрдамида ҳужжатни имзолаш ёки аниқ сабабини кўрсатган ҳолда уни рад этиш орқали жараённи якунлаши мумкин.
Buxgalter.uz тавсия қилади
