Диққат! Янги чек “амнистия”си 2023 йилнинг 19 апрелига қадар амал қилади

2023 йилнинг 3 апрелидан 19 апрелига қадар тадбиркорларга 2022 йилнинг 1 январидан буён  хато равишда урилган онлайн-НКТ ва маркетплейслар чекларига тузатиш киритишга рухсат берилди.

Buxgalter.uz тушунтиради:

Чеклардаги хатоларни my.soliq.uz ёки my3.soliq.uzда (ихтиёрингизга кўра) тузатиш мумкин:

Урилган чекларда нотўғри кўрсатилган қуйидагиларни тузатиш мумкин:

• МХИК;
• маҳсулотлар сони;
• ўлчов бирликлари;
• чек суммаси;
• комитентнинг СТИРи;
• тўлов усули (нақл шаклда ёки банк картаси орқали).

Шаклни чекнинг ўзгартирилган маълумотлари билан тўлдиргандан кейин тегишли сатрда фақат битта ҳужжатни – тадбиркорлик субъектининг вазият батафсил тушунтирилган расмий хатини (фирма бланкасида муҳр билан) бириктиринг. Ҳисоботларда акс эттириладиган маълумотлар “Жўнатиш” тугмасига босилганидан сўнг 24 соат мобайнида ўзгартирилади.

Солиқ қўмитаси эслатиб ўтади:

• кешбэк тўланган чекларга тузатиш киритилмайди;
• чекларга тузатиш киритиш автоматик тарзда қабул қилинади;
• чекларга тузатиш киритилган тақдирда солиқ ҳисоботларини қайта топшириш керак;
• чекка тузатиш киритиш учун функционалдан чекларда кўрсатилган ахборотни ғайриқонуний равишда ўзгартириш мақсадида фойдаланган тадбиркорларга қонун билан белгиланган тартибда чоралар қўлланилади.

Манбага қаранг.

Олег ГАЕВОЙ тайёрлади