Тадбиркорлар касаначилар билан ишлашса

1 июлдан бошлаб касаначилик билан шуғулланадиган  фуқаролар солиқ имтиёзларига эга бўлади. Шунингдек, ҳам касаначиларга, ҳам бундай меҳнат шаклини ташкил қиладиган тадбиркорларга субсидия ва имтиёзли кредитлар назарда тутилган 21.04.2022 йилдаги ПҚ-214-сон қарор.

1. Солиқ имтиёзлари

2022 йил 1 июлдан 2025 йил 1 январга қадар касаначилар томонидан қуйидагилар тўланади:

• ЖШДСни 50%га, бироқ бир ойда кўпи билан 1 млн сўмгача камайтирган ҳолда;
• ижтимоий солиқни -  ўзини ўзи банд қилган шахслар учун белгиланган ставка бўйича (бир йилда камида БҲМнинг 0,5 баравари миқдорида) 07.06.2021 йилдаги ПҚ-5138-сон қарор 4-б. “г” кичик б..

2. Субсидия

Олис ва чекка ҳудудлардаги маҳаллаларда  касаначиликни ташкил этган тадбиркорлик субъектларига:

• ҳар бир касаначининг дастлабки 3 ой давомидаги меҳнати учун унинг ўртача даромади миқдорида бир марталик субсидия;
• “Темир дафтар”, “Аёллар дафтари”, “Ёшлар дафтари”га ёки “Ижтимоий ҳимоя ягона реестри”га киритилган касаначиларга асбоб-ускуналар харид қилиб бериш харажатларининг 50%игача (бироқ БҲМнинг 10 бараваридан кўп бўлмаган миқдорида) субсидия берилади.

3. Кредитлар

Рўйхатга асосан маҳаллаларда жалб қилинган касаначилар сони камида 10 нафар бўлган тадбиркорларга имтиёз 05.08.2021 йилдаги ПҚ-5214-сон қарор 4-б. - Тадбиркорлик фаолиятини қўллаб-қувватлаш давлат жамғармаси томонидан кредит суммасининг 75%и миқдоригача кафиллик татбиқ этилади.

Кредит 3 йил муддатгача йиллик 10% ставкада Рўйхатдаги 05.08.2021 йилдаги ПҚ-5214-сон қарорга илова ҳар бир маҳалла учун 2 млрд сўмгача миқдорда берилади.

Сизга қуйидаги тавсиялар асқотиши мумкин:

• ЖШДС ва ижтимоий солиқ бўйича ҳисобот қандай тўлдирилади;
• ЖШДС имтиёзни ҳисобга олган ҳолда қандай ҳисоблаб чиқарилади.

Саида ЖОНИЗОҚОВА тайёрлади