Норезидентларга кўрсатиладиган воситачилик хизматларини расмийлаштириш, ҳисобга олиш ва уларга солиқ солиш

Тавсияда:

– норезидентлар билан воситачилик битимларини ҳужжатли расмийлаштириш;
– норезидентлар билан воситачилик битимларининг божхона расмийлаштируви;
– ташқи савдо контрактлари бўйича курс фарқларини ҳисобга олиш;
– норезидентлар билан воситачилик операцияларига солиқ солиш.

Норезидент билан воситачилик битимини ҳужжатлар ёрдамида расмийлаштириш

Норезидентларга воситачилик хизматларини кўрсатар экансиз, хизматлар экспортини амалга ошираётган бўласиз.

Хизматлар экспорти – Ўзбекистон юридик ёки жисмоний шахси томонидан хорижий давлатнинг юридик ёки жисмоний шахсига кўрсатиладиган жойидан қатъи назар хизмат кўрсатиш .

Ўз кучингиз билан хизматларни кўрсатишга доир хорижий валютада тузилган қуйидаги контрактлар экспорт контрактларига тенглаштирилади:

• ХМИ, донор мамлакатлар, хорижий давлатлар ҳукуматлари, бошқа норезидентлар маблағлари ҳисобига Ўзбекистон ҳудудида амалга ошириладиган лойиҳалар бўйича халқаро тендерларда иштирок этиш натижалари бўйича;
• хизматлардан Ўзбекистон ҳудудида фойдаланиш шарти билан бевосита шартнома шартларида норезидентлар билан тузилган.

Воситачилик шартномасини тузгач, у ҳақдаги маълумотларни Ташқи савдо операцияларининг ягона электрон ахборот тизимига киритинг .

Воситачилик тусидаги шартномани тузишда нимага эътибор қаратиш кераклиги ҳақида бу ерда қаранг: «Воситачилик шартномаси ўз ичига оладиган жиҳатлар».