1 июлдан киритиладиган ўзгартиришларга олдиндан тайёрланинг:
Корхоналар балансида бир неча йил олдин вужудга келган дебиторлик ва кредиторлик қарзлари ҳисобда бўлган вазиятлар юзага келиши мумкин. Масалан, компанияда 2023 йилда баъзи мижозлардан бўнаклар ва бошқалардан қарзлар юзага келган. Аммо турли сабабларга кўра ушбу мижозлар билан боғланишнинг имкони йўқ.
Бундай қарздорликни қанча вақтдан кейин ва қандай асосларда ҳисобдан чиқариш мумкинлигини «Норма» эксперти, «Жавоб берамиз!» хизмати мутахассиси Азизахон ТОШХЎЖАЕВА тушунтирди:
Эътибор беринг
Материал – «Жавоб берамиз!» пулли базасидан олинди, уни истисно тариқасида эълон қиламиз. Экспертларга ўз саволларингизни бериш ва тайёр жавобларнинг бутун базасини кўриш имкониятига эга бўлиш учун Buxgalter Proга обуна бўлинг.
Контрагентни топишнинг имкони бўлмаса, қарзни ҳисобдан чиқариш мумкинми
– Тегишли контрагентларни топа олмаганингиз учунгина дебиторлик ёки кредиторлик қарзларини ҳисобдан чиқариш мумкин эмас. Ҳар қандай қарзлар билан доимо ишлаш керак: кредиторлик қарзини тўлаш керак, дебиторлик қарзини эса тўлашни талаб қилиш керак.
Дебиторлар ва кредиторларни қидиришнинг турли усуллари мавжуд, шу жумладан – Миллий статистика қўмитасининг сайти, ЭҲА ва ЯИДХП операторлари сайтлари орқали. Шунингдек, юридик хизмат кўрсатувчи ташкилотларга мурожаат қилиш мумкин.
Қарзни қачон ҳисобдан чиқариш мумкин
Келгусида муаммолар юзага келмаслиги учун фақат умидсиз дебиторлик ва кредиторлик қарзларини ҳисобдан чиқаришни тавсия этамиз. Яъни, суднинг қарорига кўра, қарздорнинг банкрот деб топилганлиги, тугатиш, қарздор вафот этганлиги туфайли мажбуриятлар тугатилганлиги оқибатида ёки даъво муддати ўтганлиги оқибатида тўланиши мумкин бўлмаган қарзларни 
.
Маълумот учун
Турли вазиятларда қарзни қандай ҳисобга олиш ва ҳисобдан чиқариш (муҳим нозик жиҳатлар + бухгалтерия ўтказмалари) кераклигини бу ерда батафсил тушунтирдик:
Шубҳали қарзлар бўйича резерв
Дебиторлик қарзи тўғрисидаги ахборот молиявий ҳисоботда ҳаққоний акс эттирилиши учун корхона шубҳали қарзлар бўйича резервни ташкил этиши мумкин. Унинг миқдорини қандай тўғри аниқлаш ва уни яратишни қандай ҳужжатлаштириш кераклиги ҳақида тавсияда ўқинг:
